निर्धारित कार्यतालिकामै सहमति जुटाउन दलहरुको सक्रियता सुरु
Admin
नेपाल ब्युरो– भदौ १८, काठमाडौ ।
संविधानका बाँकी विवादित विषयमा निर्धारित कार्यतालिकामै सहमति जुटाउन दलहरुको कसरत आज पनि जारी छ ।
विवादका मुख्य विषय संघियता र शासकीय स्वरुपको सहमतिलाई भोलि टुङ्गो लगाउने गरि आज अन्य विषयमा सहमति खोजिदैछ ।
संविधानसभाको राजनीतिक सम्वाद तथा सहमति समितिले सहमति जुटाउन छलफल जारी राखेको छ । आजको बैठकमा ब्यवस्थापिका अंगको स्वरुपका विषयमा सहमति खोजिनेछ । आज त्यसमा सहमति जुटेपछि दलहरुको आन्तरिक छलफलका आधारमा भोलि शासकीय स्वरुप र संघियतामा सहमति खोजिनेछ ।
आगामि भदौ २१ गतेलाई जेठ अघिल्लो संविधानसभाको जेठ १४ मानेर काम गर्ने दलहरुले बताएका छन् । भदौ २१ भित्र भएका सहमतिका आधारमा संविधानको मस्यौदा तयार हुन्छ । संघीयतामा कति प्रदेश कायम गर्ने, शासन प्रणाली कस्तो अवलम्बन गर्ने भन्ने विषयमा दलहहरुबीच विवाद छ ।
यसैबीच ब्यवस्थापिका संसदको बैठक पनि आज बस्दैछ । विपक्षीदल र सत्तापक्षदलबीच सहमति भइनसकेकाले दिउँसो एक बजे बस्ने बैठक सन्चालन हुने नहुने भन्ने अनिश्चित बनेको छ ।
प्रकाशित मिति: 2014-09-03 02:34:48
प्रतिक्रिया: