ग्यास उत्पादक र पेट्रोलियम ढुवानी व्यवसायीहरुद्धारा आन्दोलनको घोषणा
Admin / 2014-09-04 03:10:45
नेपाल ब्युरो– भदौ १९, काठमाडौ ।
ग्यास उत्पादक र पेट्रोलियम ढुवानी व्यवसायीहरुले दसैं नजिकिदै गर्दा उपभोक्तालाई दुःख दिने गरी आन्दोलनका कार्यक्रम घोषणा गरेको छ ।
व्यवसायीहरुले आफुले गरेको माग पुरा नगरेको भन्दै हिजो पत्रकार सम्मेलन गर्दै आन्दोलनको घोषणा गरेका हुन ।
सरकारले आम उपभोक्तालाई असहज हुने गरी अत्यावश्यकीय सेवामा असर नपार्न सरोकारवालाको ध्यानाकर्षण गराएको छ ।
सरकारले अत्यावश्यकीय सेवा अवरुद्ध गरे अत्यावश्यक सेवा ऐन अन्तर्गत कडा कारवाही गर्न सरकार बाध्य हुने चेतावनी दिएको छ ।
बजारको मागअनुसार खाना पकाउने एलपी ग्यासको आपूर्ति गर्न कठीन भएको भन्दै ग्यासको कोटा बढाउनुपर्ने माग राखी नेपाल एलपी ग्यास उद्योग संघले आपूर्ति बन्द गर्नेसम्मका आन्दोलनका कार्यक्रम घोषणा गरेको छ ।
उता नेपाल पेट्रोलियम ढुवानी व्यवसायी महासंघले पनि आफ्ना मागहरु हालसम्म पनि नेपाल आयल निगम एवं नेपाल सरकारले कार्यन्वयन नगरेको भन्दै आगामी भाद्र २१ गतेबाट आन्दोलन गर्ने चेतावनी दिएको छ ।
महासंघले विगतका माग पूरा नभए आगामी भाद्र ३१ गते देशभरिका ट्यांकरको साँचो निगम मार्फत सरकारलाई बुझाउने चेतावनी दिएको छ ।
प्रकाशित मिति: 2014-09-04 03:10:45
प्रतिक्रिया: