कार्यतालिका संसोधान गर्ने विषयमा शिर्ष दलहरुको छलफल
Admin / 2014-09-06 02:29:07
नेपाल ब्युरो– भदौ २१, काठमाडौ ।
शिर्ष दलहरु संविधानसभाको कार्यतालिका संसोधान गर्ने विषयमा आजपनि बिहानदेखि छलफलमा जुटेका छन् ।
आज शनिवार सम्मको समय पाएका दलहरुले संविधानका विवादित विषयमा सहमति जुटाउन कार्यतालिका परिवर्तन गरेर समय थप्ने विषयमा छलफल गर्ने भएका हुन् ।
बैठकमा यहि महिनासम्म कार्यतालिका हेरफेरका लागि दलहरुले प्रस्ताव लैजाने तयारी गरेका छन् ।
दलहरुले संविधानसभा अन्तर्गतको संवैधानिक राजनीतिक तथा संवाद समितिलको उपसमितिहरुहरुलाई सबै काम पुरा गर्न समय नपुगेको भन्दै दलहरुले सहमतिका लागि समय थप्ने भएका हुन् ।
यस्तै संविधानसभा बाहिर रहेका दलहरुसँग राजनीतिक सभा गर्ने तयारीका लागि पनि समय थप्नुपर्ने भन्दै आज समय थपिने पहल हुने भएको हो । संविधानसभाको कार्यतालिका अनुसार आज दिनभरिमा सवै बिषयमा सहमति जुटाउनुपर्छ, सहमति नजुटे भोलिदेखि विवादित बिषयमा संविधानसभामा मतदान गरेर टुङग्याउनुपर्ने कानुनी व्यवस्था छ । एकीकृत माओवादी र मधेशवादी दल कार्यतालिका परिमार्जन गर्नुपर्ने हिजोको बैठकमा माग गरेका थिए । तर कांगे्रस एमालेले भने कार्यतालिका संशोधनको विपक्षमा देखिएका छन् ।
प्रकाशित मिति: 2014-09-06 02:29:07
प्रतिक्रिया: