संवैधानिक सहमति समितिको प्रतिवेदनमाथि आज पनि छलफल
Admin / 2014-09-15 02:52:28
नेपाल ब्युरो– भदौ ३०, काठमाडौ ।
सविंधानसभा बैठकमा संवैधानिक राजनीतिक संवाद तथा सहमति समितिको प्रतिवेदनमाथिको छलफलाई आज पनि निरन्तरता दिइने भएको छ ।
संविधानसभाको ५५ औ बैठकमा अघिल्लो संविधानसभाका सहमति र असहमतिका बुँदामा सभासदहरुले आआफ्नो धारणा राख्ने भएका हुन् ।
संविधानसभा भवन नयाँ वानेश्वरमा बोलाइएको बैठकमा प्रतिवेदनमाथिको छलफल जारी रहने संसद सचिवालयका प्रवक्ता मुकुन्द शर्माले जानकारी दिनुभयो ।
अझै झण्डै ७०÷८० जना सभासदले धारणा राख्ने सुचि रहेकाले प्रतिवेदनमाथिको छलफल सकिन केही दिन लाग्ने संसद सचिवालयका प्रवक्ता शर्माले बताउनु भएको छ ।
संविधानसभामा छलफल गरिसकेपछि सहमति भएका बिषयलाई मस्यौदा समितिमा मस्यौदाका लागि पठाईने छ भने विमतिका विषयलाई सहमति जुटाउनका लागि फेरी संवाद समितिमै पठाउने तयारी भईरहेको छ ।
तर काङग्रेस एमालेका कतिपय सभासद्ले भने सहमतिको नाममा समय खेर फाल्नुभन्दा मतदानको प्रक्रियामा गएर विवादित बिषय टुङग्याउनुपर्ने धारणा राखिरहेका छन् ।
प्रकाशित मिति: 2014-09-15 02:52:28
प्रतिक्रिया: