संघीय प्रदेशको निर्माण भूगोल र जनसंख्या दुवैका आधारमा हुने
Admin / 2014-08-19 04:23:18
नेपाल ब्युरो– भदौ ३, काठमाडौ ।भुगोल र जनसंख्या दुवैको आधारमा संघीय प्रदेश निर्माण गर्ने सहमति भएको छ ।
सिंहदरबारमा आज विहान बसेको समिति बैठकमा यस्तो सहमति भएको हो ।
सविंधानसभा अन्र्तगतको संवैधानिक राजनीतिक सम्वाद तथा सहमति समितिमा प्रादेशिक व्यबस्थापिकाका बिभिन्न बिषयमा सहमति जुटेको छ ।
प्रदेश व्यबस्थापिकाको विषयमा भूगोल र जनसंख्या दुवैका आधारमा संघीय प्रदेश निर्माण गर्ने सहमति भएको समितिका सचिव मुकुन्द शर्माले जानकारी दिनुभयो ।
त्यस्तै प्रदेश व्यबस्थापिका एक सदनात्मक हुने सहमति पनि समितिमा भएको छ । बैठकमा संघीय प्रतिनिधि सभामा सभामुख र उपसभामुख बन्नका लागी ३० बर्ष उमेर पुरा भएको हुनुपर्ने सहमति भएको छ ।
व्यवस्थापिकीय अंगको प्रारम्भिक मस्यौदा संयुक्त रुपमा गठन गर्ने निर्णय समेत बैठकमा भएको समिति सचिव शर्माको भनाई छ ।
यसअघि समिति सदस्य लक्ष्मणलाल कर्ण संयोजकत्वको उपसमितिले तत्कालीन बिबाद समाधान उपसमितिमा भएका सहमतिहरुको प्रतिवेदन तयार गरि गत साउन २० गते समितिमा पेश गरेको थियो ।
प्रकाशित मिति: 2014-08-19 04:23:18
प्रतिक्रिया: