नेपाल र भारतबीच हुने भनिएको विद्युत व्यापार सम्झौता अन्योलमा
Admin / 2014-08-25 03:20:23
नेपाल ब्युरो– भदौ ९, काठमाडौ ।
नेपाल र भारतबीच हुने भनिएको विद्युत व्यापार सम्झौता अन्योलमा परेको छ ।
विभिन्न राजनितिक दलहरुको विरोधका कारण नेपाल र भारतबीच हुने भनिएको विद्युत व्यापार सम्झौता पिटिए तत्काल नहुने भएको हो ।
भारतले जलस्रोत कब्जा गर्न खोजेको भन्दै दलका नेताहरुले फरक–फरक अभिव्यक्ति दिन थालेपछि तत्काललाई सम्झौता नहुने बताइको छ हो । दलहरुबीचको विवादका कारणमात्रै नभई नेपालले पठाएको मस्यौदाप्रति भारतले कुनै प्रतिक्रिया नदिएकाले पनि पिटिए अनिश्चित बनेको बताइएको छ ।
भारतीय प्रधानमन्त्री नरेन्द्र मोदीको नेपाल भ्रमणको अघिल्लो दिन साउन १६ गते संशोधन गरेर पठाइएको मस्यौदाको जवाफ भारतले अहिलेसम्म नदिएको ऊर्जा मन्त्रालयले जनाएको छ ।
भारतले असार २ गते पठाएको मस्यौदामा जलस्रोत तथा विद्युत विकासमा दुवै देशको संयुक्त सहभागिता हुने र जलविद्युत आयोजना निर्माण गर्दा शतप्रतिशत भारतीय कम्पनी वा नेपालसँगको साझेदारीमा गर्न सकिने उल्लेख छ । यो बुँदा नेपालले हटाएपछि भारत सम्झौताबाट पछि हट्न खोजेको केही सभासदको तर्क रहेको छ ।
प्रकाशित मिति: 2014-08-25 03:20:23
प्रतिक्रिया: