नेपाल समाचार

तीन दिने फोटो पत्रकारिता तालिम सम्पन्न


Admin / 2014-08-25 03:45:41


-अर्जुन पाख्रिन

 काठमाडौं, भदौं ८।

 तामाङ सञ्चार समूह काठमाडौं शाखाले फोटो आफै बोल्छ भन्ने नारा सहित सञ्चालन गरेको फोटो पत्रकारिता सम्बन्धि तीन दिने तालिम सम्पन्न भएको छ । विगत ३५ वर्ष देखि फोटो ग्राफि गर्दै आएका फोटो पत्रकार मणि लामाले प्रशिक्षण दिएका थिए ।

२० औं तामाङ प्रशारण दिवसको अवसर पारेर भदौ ६ देखि ८ गतेसम्म तालिम सञ्चालन गरिएको थियो । तालिममा २० जना प्रशिक्षार्थीहरुले भाग लिएको शाखाका अध्यक्ष युनिकरक्ष ग्लानले जानकारी दिए ।

तालिमको समापन समारोहमा धादिङ जिल्लाका स्थानीय विकास अधिकारी तथा तामाङ सञ्चार समूहका पूर्व अध्यक्ष रूद्रसिं तामाङले प्रशिक्षार्थीहरुलाई प्रमाणपत्र प्रदान गरेका थिए । समारोहमा प्रमुख प्रशिक्षक मणि लामालाई सम्मानपत्रद्धारा सम्मान गरिएको थियो ।

कार्यक्रममा बोल्दै स्थानीय विकास अधिकारी तामाङले फोटोग्राफी अहिलेको चर्चाको विषय भएको र व्यवसायिक हुँदै गएको बताए । उनले फोटो पत्रकारिता नेपालमा पनि व्यवसायिक भइसकेकाले यो पेशामा युवा पुस्ताको आकर्षण बढेको बताए ।

 

प्रमुख प्रशिक्षक लामाले फोटो पत्रकारिताको इतिहास लामो भएता पनि नेपालमा राणा शासन पछि रोचक र सोखको विषयले फोटो ग्राफिले फट्को लिएको बताए । फोटो सम्बन्धी नयाँ नयाँ प्रविधि आएता पनि मानव रुचि र नयाँ नौलो दिनु सक्नु पर्ने बताए । उनले व्यवसायिक फोटो पत्रकार बन्नका लागि धैर्यता आवश्यक रहेको बताए ।

नेपाल पत्रकार महासंघका केन्द्रीय सदस्य राजु लामाले नेपालको पत्रकारितामा फोटो पत्रकारिताको धार फरक भएको बताए । उनले नेपाल सरकारले विभिन्न विद्यामा पत्रकारिताकै विषयमा तालिम दिनको लागि केन्द्रीय तालिम केन्द्र बनाउन बजेट छुटएको जानकारी दिए ।

 तालिम पश्चात २० जना फोटो ग्राफि लिएका प्रशिक्षार्थीहरुले खिचिएको उत्कृष्ट ५ ५ वटा फोटो प्रदर्शन गरिएको थियो ।

काठमाडौं शाखाका अध्यक्ष ग्लानले छोटो अवधीको तालिममा उत्साहजनक सहभागिता भएकोमा खुशी व्यक्त गरे । उनले चाँडै नै एड्भान्स फोटो ग्राफि तालिम सञ्चालन गरिने र उत्कृष्ट फोटाहरु प्रदर्शन गरिने जानकारी दिए ।

प्रकाशित मिति: 2014-08-25 03:45:41
विश्व
ढाका: बङ्गालादेशका एकजना पूर्वमन्त्रीलाई फाँसीको सजाय सुनाइएको छ । सन् १९७१ मा बङ्गलादेशमा भएको स्वतन्त्रता सङ्ग्रामका समयमा उनी आमहत्यामा सम्लग्न भएको आरोप लागेको थियो । बङ्गलादेशको युद्धअपराध अदालतले बङ्गलादेश स्वतन्त्र हुने क्रममा जारी आन्दोलनका समयमा भएका मानवअधिकारको हनन् एवम् हत्याको मुद्दा हेरिरहेको छ ।
कुराकानी
ति पलहरुलाई सम्झिदा मन दुखेर आँउछ, त्यतिबेला मेरो ब्याण्डको तिन जना साथीहरु छुट्टियो । उहाँहरुले गर्दा नै मलाई धेरै प्रेसर परेको थियो। त्यसैले पनि मलाई त्यहाँ बस्नैपर्ने बाध्यता भयो तर जति बसेपनि म कहिल्यै गैरकानुनी रुपमा बसेको छैन । अमेरीकामा बस्दै जाँदा बिचार गरे, संसार टेक्नोलोजीले गर्दा यति धेरै नजिक छ किन यहीबाट सांगितिक यात्रालाई निरान्तरता नदिने?त्यसैले मैले अमेरिका बाट नै संगीत क्षेत्रलाई अघि बढाउने निधो गरे ।
विचार/ब्लग
- सुकुमान तामाङ
टोक्योमा एसियाली देशहरुले आयोजना गर्ने महोत्सवमा सहभागी हुदै गर्दा हाम्रो देशको पनि गर्न सके कति जाती हुने थियो हामी पनि कुराकानी गर्थ्यो । लगातारको छलफल तथा आफ्नै तरिकाले सम्भाव्यताको अध्ययन पश्चात संस्थाको तात्कालिन कार्यसमितिका पदाधिकारीहरुले एउटा ऐतिहासिक निर्णयमा पुग्यो। नेपाल चिनाउने मुख्य उद्देश्य साथ टोक्योको कुनै ठुलो पार्कमा कार्यक्रम गर्ने । यदि पहिलो कार्यक्रम सफल पार्न आवश्यक रकमको जोहो गर्न नसकिने अवस्थामा संस्थाको पदाधिकारीहरुबाट व्यक्तिगत १० मान (१ लाख) जापानी यान हाल्ने गरि सहमति पनि गरियो।
- डा. प्रदीप भट्टराई
मेरो मनमा उब्जेको पहिलो प्रश्न हो, राष्ट्रिय सम्मानको मापदण्ड के ? श्री एक लोकप्रिय कलाकार हुन्, यसमा दुई मत छैन । उनले सम्मान पाउनुपर्छ, यसमा पनि दुई मत छैन । तर, मुलुकको राष्ट्रिय झण्डा नै झुकाउने गरेर श्रीले यो मुलुकका लागि के गरे ? अन्य क्षेत्रकाले त आफैं जान्ने कुरा पनि भएन, हामी यही क्षेत्रकाले भावनामा बगेर हैन, वस्तुनिष्ठ भएर भनी दिनुपर्छ । उनले गरेको भनेको नेपाली चलचित्रमा अभिनय हो । यो संख्या तीसको हाराहारीमा होला । उनले बनाएको भनेको चलचित्र हो, यो संख्या दुई छ । के यही नै राष्ट्रिय सम्मान पाउने मापदण्ड हो ? हो भने, ठीक छ ।
- -राजकुमार दिक्पाल
“रेख दाई पनि आउनु भएको छ नि” एउटा टेलिफोन सम्बादमा नगेन्द्रदाईले भन्नुभयो ।अनि म नोस्टाल्जिक भएं । जीवनमा मैले अत्यन्तै आदरपुर्बक लिने नाम हो,रेख ब्लोन,मेरो जीवनको रेखा कोरिदिने ब्यक्तिको नाम ।मन थाम्न सकिनँ,र एउटा एसएमएस पठाईदिएँ,उहाँहरुको माहिला दाजु कृष्ण ब्लोनको मोबाईलमा, “यदि रेख ब्लोन नभएको भए,म अहिलेको अवस्थामा हुने थिईनँ।”
जीवनशैली
एडिडास ब्राण्डको कलेक्सन सार्वजनिक कार्यक्रममा पुगेकी एक गायीका मालफंक्शनको शिकार बनेकी छन् । २३ वर्षीया बेलेयती गायीका रिटा ओरा वार्डरोब मालफंक्शनको शिकार बनेकी हुन् ।
इंग्लिस टेलिभिजन पर्सनालिटी, गायिका लोरेन गुडगरले आफूलाई आएको एक प्रस्तावको बारेमा खुलासा गरेकी छन् । उनी गाल्यामर मोडल, ब्युटीसियन पनि हुन् । लोरेनले आफुलाई एक रात बिताएको ४० हजार पाउन्ड दिने प्रस्ताव आएको कुरा खुलासा गरेकी हुन् ।
र यो पनि
छोटो बिकिनी लगाएका कारण मिस कोलम्बियाकी एक सहभागीलाई प्रतियोगीताबाटै निस्कासित गरिएको छ । मिस अमेरिकाका लागि आयोजना हुँदै आएको प्रतियोगिताबाट २१ वर्षीया पाओला बुइलिस निस्कासित भएकी हुन् ।
सबैलाई थाहा भएकै कुरा हो केटा र केटीले एक अर्कालाई मनपराएर आफैँले रोजेकोसँग विवाह गर्ने गर्छन् वा आमा बुबाले खोजेर मनपराएकोसँग विवाह बन्धनमा बाँधिने गर्छन्। तर अब केटा केटीले एक अर्कालाई मनपराएर वा अभिभावकले चाहेकोसँग मात्र विवाह नहुँने भएको छ ।

सर्वाधिकार © मितेरी जापान डटकममा सुरक्षित
Powered by: Tamang Media & Marketing