मुलुकले समयमै सविंधान पाउँने छ : प्रधानमन्त्री कोइराला
Admin / 2014-08-28 03:40:00
नेपाल ब्युरो– भदौ १२, काठमाण्डौं ।
प्रधानमन्त्री सुशील कोइरालाले मुलुकले समयमै सविंधान पाउँने बताउनुभएको छ ।
उहाँले यस कार्यलाई कसैले रोक्न नसक्ने बताउनुभएको छ ।
आज विहान प्रधानमन्त्री निवास बालुवाटारमा विभिन्न संघ संस्थाबाट सहयोग रकम हस्तान्तरण कार्यक्रममा बोल्नुुहँदै प्रधानमन्त्री कोइरालाले यस्तो बताउनुभएको हो ।
उहाँले यस पटक आएको पहिरो र बाढीले विनास लिला मच्चाएको भएपनि उद्वार, राहत र पुनस्थापनामा कुनै कमजोरी हुन नदिइएको जिकीर गर्नुभयो । प्रधानमन्त्रीले पीडितलाई प्रदान गरिने राहत सामग्री र रकम सदुपयोग होस भन्नेमा आफू चिन्तित रहेको बताउदै भन्नुहुँदै यस पटक राहत रकम र सामग्रीको सदुपयोग हुने दावी समेत गर्नुभयो ।
प्रधानमन्त्री दैवी प्रकोप उद्वार कोषमा भारतीय राजदूतावासले ४ करोड ७७ लाख ३९ हजार रुपैया सहयोग प्रदान गरेको छ ।
सोही कार्यक्रममा नेपालका लागि भारतीय राजदूत रञ्जित रेले प्रधानमन्त्री सुशील कोइरालालाई सो रकम उल्लेखित चेक हस्तान्तरण गर्नु भएको थियो । कार्यक्रममा भारतीय राजदूत रेले हालैको बाढी पहिरोबाट पीडितहरुलाई राहत र पुनस्थापनाका लागि नेपाल सरकारले थालेका काममा सघाउन भारत सरकारका तर्फबाट सो रकम प्रदान गरिएको बताउनु भएको थियो । उहाँले सीमाभित्रमात्र सिमित नहुने प्राकृतिक प्रकोप जस्ता विपत्तिबाट नागरिकहरुलाई जोगाउन र प्रकोप रोकथाम तथा क्षति हटाउन भारत सरकार नेपालसंग निकट रही थप समन्वयका साथ निरन्तर काम गर्न प्रतिबद्ध रहेको पनि बताउनु भयो ।
आजै प्रधानमन्त्री निवास बालुवाटारमा आयोजित अर्को कार्यक्रममा विभिन्न संघ संस्था झण्डै बीस लाख रुपैयाँ प्रधानमन्त्री दैवि प्रकोप उद्वार कोषमा आर्थिक सहयोग प्राप्त भएको प्रधानमन्त्रीका प्रेस सल्लाहाकार प्रकाश अधिकारीले जानकारी दिनुभयो ।
प्रकाशित मिति: 2014-08-28 03:40:00
प्रतिक्रिया: