प्रधानमन्त्री
सुशील कोइरालालाई औपाचारिक भेट गर्न बुधबार गैरआवासीय नेपाली संघका अध्यक्ष शेष घले
कालो टि–सट र खैरो पाइन्टमा छालाको चप्पल हल्लाउँदै प्रधानमन्त्री
निवास बालुवाटार छिरेका थिए । सामान्य रुपमा हेर्दा यस्तो लाग्थ्यो, उनी
कसरत गर्न विहान जिम सेन्टरमा जाँदैछन् । उनी सार्वजाजिक कार्यक्रम प्रायः टाइसुटमा
देखिन्छन् । तर मुलुकको कार्यकारी प्रमुख प्रधानमन्त्रीलाई भेट्न जादा पोषाकको सामान्य
ख्याल गरिएको छैन ।
अध्यक्ष
घलेको यस्तो अशोभनीय दृश्यले गैरआवासीय नेपाली संघको हुर्मत लिने काम भएको टिप्पणी
हुन थालेको छ । तत्कालीन नेपालका लागि भारतीय राजदूत राकेश सूदले चप्पल लगाएर प्रधानमन्त्री
पुष्पकमल दाहाललाई सिंहदरबारमा भेटेको दृश्य कूटनीतिक क्षेत्रमा आलोचित भएको थियो ।
जसका कारण राजदूत सूद कार्यकाल पूरा नगरी भारत फर्किनु परेको थियो ।
राष्ट्रको
अपमान गर्न अध्यक्ष घलेले पोषाकको ख्याल नगरेका होइनन, सरल स्वाभाव भएकाले
यस्तो भएको हुन सक्छ घले निकट एक एनआरएन पदाधिकारीले बताए । अध्यक्ष घले काममा विश्वास
गर्ने मान्छे हुन्, कम बोल्ने, धेरै काम गर्ने,
झिनामसिना
कुरामा अल्झिने मान्छे होइन उनी । त्यसैले अनौपाचारिक पोसाकमा जानु भएको हुनसक्छ,
ती एनआरएन
पदाधिकारीले बताए ।
भेटमा
प्रधानमन्त्री कोइराला भने औपाचारिक पोसाकमा देखिन्छन् । कोइराला कालो टोपी,
कालेस्टकोट
र लवादा सुरुवालमा सजिएको तस्बिर सजिलै देख्न सकिन्छ । सामान्यतया देशको कार्यकारी
प्रधानमन्त्रीलाई भेट गर्न जाँदा औपाचारिक पोसाकमा भेट्ने चलन हुन्छ । तर अध्यक्ष घलेले
त्यो मर्यादा पालना गरेको देखिएन, तत्कालीन राजदूत सूदकै जस्तो हेपाह प्रवृत्ति
देखिएको एनआरएनभित्रै टिप्पणी हुन थालेको छ ।
यसअघिका
गैरआवासीय नेपाली संघका अध्यक्षहरु अध्यक्ष डा. उपेन्द्र महतो, देवमान
हिराचन र जीवा लामिछाने कार्यकारी प्रमुखसँगको भेटमा औपाचारिक पोसाक नै लगाएका थिए
।
लवाईखवाई
आकर्षक भयो भने अतिथिले सहज ठान्ने र पाहुनामा सकरात्मक प्रभाव पर्ने बताइन्छ । बालुवाटारस्रोतका
अनुसार प्रधानमन्त्रीलाई भेट्न आउने पाउनालाई पोसाक कस्तो लगाउनु पर्छ भन्ने जानकारी
दिने चलन प्रधानमन्त्री कार्यालयमा छैन । उनका अनुसार विभिन्न स्रोत परिचालन गरेर प्रधानमन्त्रीसँग
समय लिने चलन छ । को–कस्को माध्यमबाट भेट्न आयो, प्रधानमन्त्री
कार्यालयलाई थाहा नै हुदैन, त्यसैले प्रधानमन्त्री कार्यालयको सचिवालयले
पोसाकको बारेमा चासो नराखेको हो, बालुवाटारस्रोतले भन्यो ।