एप्पल कम्पनिको बहुप्रतिक्षित स्मार्टफोन आईफोन ६ र आईफोन ६प्लास सेप्टम्बर १९ देखि जापानमा बिक्री हुने भएको छ। सफ्टबैंक, डोकोमो र एयुले जापानमा एप्पलको उत्पादनहरु बिक्री गर्ने गर्दछ। यि तिनै दुरसंचार कम्पनिले भोली शुक्रबारदेखि नयां आईफोनको लागि अग्रिम बुकिङ पनि खुल्ला गरेको छ।सफ्टबैंक कम्पनिले प्रयोगकर्तालाई अनलाईन पनि बुकिंङ पनि गर्न प्रदान गरेको छ।
के नयां छ सुबिधा आईफोन ६ र प्लासमा?
आईफोन ६को स्क्रिन ४.७ इन्च र प्लासको ५.५
इन्च रहेको छ। यो एप्पलको सबैभन्दा ठूलो आकारको आइफोन हुनेछ, जसलाई ‘फ्याब्लेट' पनि भनिन्छ। प्रतिस्पर्धी सामसङ, एलजी, एचटिसी, नोकियालगायत कम्पनीले ठूलो आकारका स्मार्टफोन
बजारमा ल्याएकाले आइफोनको नयाँ संस्करणमा आकार बदल्न बाध्य भएको हो।
आइफोन सिक्समा सुधारिएको नक्सा तथा स्वास्थ्य
र तन्दुरुस्तीका नयाँ एप्लिकेसन राखिएको छ। आइफोन र आइप्याडका अघिल्ला संस्करणमा प्रयोग
भएको नक्सा गुगल म्यापको तुलनामा कम प्रभावकारी भएको प्रयोगकर्ताले बताएका छन्। त्यस्तै, मुटुको चाल नाप्ने मोनिटरलाई इयरपोट हेडफोनमा
राखेको छ। यसले रक्तचाप पनि मापन गर्न सक्ने विश्वास गरिएको छ। पहिले पिँधमा रहेको
अडियो ज्याकलाई अहिले माथि सारिएको छ।
नयाँ आइफोनमा एक सय २८ जिबीसम्मको आन्तरिक
क्षमता छ। यसअघिका संस्करणमा ६४ जिबीको मात्र आइफोन उत्पादन भएको थियो। यसमा आन्तरिक
भण्डारण क्षमताको अतिरिक्त आइएसडी कार्ड पनि प्रयोग गर्न सकिनेछ।
अहिलेसम्मका आइफोनमा नभएको अर्को एउटा विशेषता आइफोन सिक्समा छ। एप्पलले यो फोनमा वायरलेस (तारबिना नै) चार्ज गर्न सक्ने प्रविधि ल्याएको छ। नयाँ आइफोनमा ए एट चिप्स प्रयोग गरिएको छ।
त्यस्तै एप्पलले नयाँ आइफोनको संस्करणमा
प्रयोग गरेको अपरेटिङ सिस्टम गत जुनमा वर्ल्डवाइड डेभलपर कन्फरेन्समा सार्वजनिक गरिएको
थियो। त्यसपछि विभिन्न समयमा यसको बिटा संस्करण सार्वजनिक गरिएको थियो।
आइओएस एटमा केही नयाँ विशेषता थपिएको एप्पलको
आधिकारिक वेबसाइटले जनाएको छ। तत्काल प्राप्त जानकारीलाई जवाफ दिन छिटो र छोटो उपायसँगै
महत्वपूर्ण इमेलका लागि जानकारी दिने व्यवस्था गरिएको
छ। त्यस्तै, इमेललाई थप व्यवस्थित गर्ने सुविधा नयाँ
संस्करणमा छन्।
‘टाइमल्याप्स' को रुपमा भिडियो खिच्न सकिने र फोटो तथा
भिडियोलाई थप व्यवस्थित बनाउन सकिने विशेषता नयाँ अपरेटिङ सिस्टममा छ। त्यसबाहेक, स्वास्थ्यसँग सम्बन्धित केही नयाँ विशेषता
पनि आइओएस एटमा आउने एप्पलले जनाएको छ। नयाँ आइओएसको सबैभन्दा रोचक विशेषता भने ‘कन्टिन्युटी' हो। नयाँ अपरेटिङ सिस्टमको प्रयोग गरी एप्पलको
आइफोन, आइप्याड र म्याकबुक प्रयोग गर्ने प्रयोगकर्ताले
एकअर्को साधनमा रहेका इमेल,
एसएमएसलगायतलाई जुनसुकै साधनमा हेर्न सक्नेछन्।
त्यसैगरी, आइफोनमा आएको टेलिफोन कललाई आइप्याड वा
म्याकबुकमार्फत पनि रिसिभ गर्न सक्नेछन् भने एसएमएसलाई पनि रिप्लाई गर्न सक्नेछन्।
जापानबासी नेपालीहरु माझमा आईफोन अत्यन्तै लोकप्रिय रहेको छ।