इस्लामिक स्टेट आईएसविरुद्ध कारवाही जारी राख्छौँ : अमेरिका
Admin / 2014-09-11 02:59:27
नेपाल ब्युरो –भदौ २६, एजेन्सी ।
अमेरिकाले इस्लामिक स्टेट आईएसविरुद्ध कारवाही जारी राख्ने बताएको छ ।
इराक र सिरियामा इस्लामिक स्टेट आईएसविरुद्ध कारवाही जारी राख्ने अमेरिकाले बताएको हो ।
अमेरिकी राष्ट्रपति बराक ओबामाले आईएसविरुद्ध रणनीति सार्वजनिक गर्दै सो समुह अमेरिकाका लागि पनि खतरा भएको भन्दै त्यसविरुद्ध आईएसका लडाकु इराक वा सिरिया जहाँ भएपनि कारवाही बढाईने बताएका छन् । आईएसविरुद्ध हवाई कारवाही व्यवस्थित अभियानकै रुपमा सञ्चालन गर्ने ओबामाको तयारी छ ।
यस्तै, आईएसविरुद्ध लडिरहेका स्थल सुरक्षाफौजलाई दिइरहेको सहयोग पनि बढाउने रणनीतिमा उल्लेख छ । सो समुहलाई उपलब्ध हुदै आएको सहयोगलाई प्रभावित पार्न मध्यपूर्वी प्रतिआतंकवाद गतिविधि बढाउने योजना राष्ट्रपति ओबामाले सार्वजनिक गरेका छन् । यस्तै, आईएसबाट पीडित सर्वसाधारणलाई मानवीय सहायता उपलब्ध गराउने ओबामाले उल्लेख गरेका छन् ।
प्रकाशित मिति: 2014-09-11 02:59:27
प्रतिक्रिया: