चीनमा तरबार आक्रमण गरी हत्या गर्ने ३ जनालाई मृत्युदण्ड
Admin / 2014-09-13 08:45:17
नेपाल ब्युरो– भदौ २८, एजेन्सी ।
चीनमा तरबार आक्रमण गरी नागरिकको हत्या गर्ने ३ जनालाई मृत्युदण्डको सजाय सुनाइएको छ ।
चीनमा रहेको एक रेलवे स्टेसनमा सर्वसाधारण लाई तरबार प्रहार गर्ने ३ जना अभियुक्तलाई मृत्युदन्डको सजाय सुनाइएको हो ।
घटनामा संलग्न ४ जनालाई भने आजीवन कारावासको सजाय सुनाइएको छ ।
चीनको उच्च अदालतमा शुक्रबार भएको लामो सुनुवाइपछि उनीहरुलाई सजाय सुनाइएको हो । उनीहरुले गत मार्च महिनामा चीनको दक्षिण पश्चिम सिनजियाङ प्रान्तको कुनमिङस्थित रेलवे स्टेसनमा तरबारले हानेर ३१ जनाको हत्या गरेका थिए । घटनामा १ सय ४० जना घाइते भएका थिए ।
कालो पहिरनमा रहेका आक्रमणकारीले सर्वसाधारणलाई लामो तरबारले अन्धाधुन्ध आक्रमण गरेका थिए । घटनालगत्तै पक्राउ परेका व्यक्तिको बयानको आधारमा प्रहरीले मुख्य अभियुक्तहरुलाई पक्राउ गरेको थियो ।
प्रकाशित मिति: 2014-09-13 08:45:17
प्रतिक्रिया: