न्याय प्रणालीसम्बन्धी विषयले प्राथमिकता पाउँने
Admin / 2014-05-22 02:52:53
नेपाल ब्युरो–जेठ ८, काठमाण्डौं ।
संविधानसभाको बैठकमा आज न्याय प्रणालीसम्बन्धी विषयमा छलफल हुने भएको छ ।
तत्कालीन न्यायाप्रणाली भएका सहमति र असहमतिका विषयमा आज छलफल हुनेछ । संवैधानिक अध्ययन तथा निक्र्योल समितिले यसअघि नै पेश गरिसकेको प्रतिवेदनमाथि बुँदागतरुपमा छलफल हुनेछ ।
संविधानसभाको बैठक दिउँसो १ बजे बस्नेछ । आज न्याय प्रणालीसम्बन्धी विषयमा यसअघि भएका सहमतिका बुँदाहरूमा छलफल गरिने संसद सचिवालयका प्रवक्ता मुकुन्द शर्माले जानकारी दिनुभयो ।
सभासदहरुले सहमति गरिसके पनि असहमतिका विषय राजनीतिक सम्वाद समितिमा र सहमतिका विषय संविधान मस्यौदा समितिमा पठाइनेछ । हिजोको बैठकले तत्कालीन राष्ट्रिय हित संरक्षण समितिको प्रतिवेदनको संविधानको प्रारम्भिक मस्यौदामा भएका असहमतिको निक्र्योलसम्बन्धी प्रतिवेदनमा भएका असहमतिका विषयहरूलाई राजनीतिक सम्वाद समितिमा पठाएको छ ।
चार दिनसम्म पक्ष विपक्षमा भएको व्यापक बहस र छलफलपछि असहमतिका बुँदाहरूलाई सहमति जुटाउन सम्वाद समितिमा पठाइएको हो ।
प्रकाशित मिति: 2014-05-22 02:52:53
प्रतिक्रिया: