इन्डियन प्रिमियर लिग क्रिकेटमा आज कसले जीत हाँसील गर्ला ?
Admin / 2014-05-22 04:34:04
नेपाल ब्युरो–जेठ ८ काठमाडौँ ।
इन्डियन प्रिमियर लिग आईपिएल क्रिकेटमा आज तालिकाको चौथो स्थानमा रहेको कोलकत्ता नाइट राइर्डस र छैटौ स्थानमा रहेको रोयल च्यालेन्जर्स बैंग्लोरबिच दिउसो ४ बजे प्रतिस्पर्धा हुदैंछ ।
१२ खेलवाट १४ अंक जोडेको कोलकत्ता आजको खेलमा विजयी हुदै तेश्रो स्थानमा उक्लने प्रयास गर्दा बैंग्लोर पाचौं स्थानमा पुग्ने प्रयास गर्नेछ । यस्तै आजको दोश्रो खेलमा तालिकाको दोश्रो स्थानमा रहेको चेन्नई सुपर किंग्स र सातौं स्थानमा रहेको हैदरावादबिच बेलुका सवा ८ वजे प्रतिस्पर्धा हुदैछ ।
१२ खेलवाट १६ अंक जोडेको चेन्नई आजको खेलमा विजयी हुँदै शीर्ष स्थानमा उक्लने प्रयास गर्दा सनराइजर्स हैदरावादले चेन्नईलाई रोक्ने प्रयास गर्नेछ । यसअघि गएराती भएको खेलमा मुम्वई इन्डियन्सले शीर्ष स्थानमा रहेको किंग्स इलेभेन पञ्जाबलाई ७ विकेटले पराजित गदै १० अंक जोडेको हो ।
पञ्जाबले पेश गरेको १ सय ५७ रनको लक्ष्य लिएर मैदानमा उत्रिएको मुम्वईका लेन्डी सिमोन्सले ६१ बलमा शतक प्रहार गरेपछि मुम्वईले १९ ओभरमा ३ विकेट गुमाएर लक्ष्य पार गरेको हो । यो नै इन्डियन प्रिमियर लिग आईपिएल २०१४ को पहिलो शतक रहेको छ ।
प्रकाशित मिति: 2014-05-22 04:34:04
प्रतिक्रिया: