संविधानसभामा न्यायप्रणालीसम्बन्धी प्रतिवेदन स्वीकृत
Admin / 2014-05-27 08:12:52
नेपाल ब्युरो- जेठ १३ काठमाडौ । संविधानसभाले तत्कालीन न्याय प्रणालीसम्बन्धी समितिको प्रतिवेदनको सहमतिलाई संविधान मस्यौदा समितिमा पठाएको छ ।
आज बसेको संविधानसभाको बैठकले निक्र्यौलसम्बन्धी प्रतिवेदनलाई मस्यौदाका लागि संविधान मस्यौदा समितिमा पठाउने प्रस्तावलाई सर्वसम्मतले स्वीकृत गरेको हो । असहमतिका विषयको निक्र्यौलम्बन्धी प्रतिवेदनलाई निर्देशनसहित संवैधानिक राजनीतिक संवाद तथा सहमति समितिमा पठाइएको छ ।
दुवै प्रतिवेदलनलाई सम्बन्धित समितिमा पठाइयोस् भन्ने प्रस्तावलाई अध्यक्ष सुवासचन्द्र नेम्वाङले बैठकमा निर्णयार्थ प्रस्तुत गर्नुभएको थियो ।
संविधान अभिलेख अध्ययन तथा निक्र्यौल समितिको सहमति र असहमतिको विषयमा सभासद्ले राख्नुभएको सुझाव, टिप्पणी र प्रश्नबारे आफ्नो धारणा राख्दै समितिका सचिव विष्णु पौडेलले असहमतिलाई सहमतिमा रुपान्तरण गर्न सभामा भएको छलफल महत्वपूर्ण भएको बताउनुभयो ।
बैठकले उक्त प्रतिवेदन संविधान अभिलेख अध्ययन तथा निक्र्यौैल समितिमा पठाएको छ । संविधानसभाको अर्को बैठक जेठ १५ गते बस्नेछ ।
प्रकाशित मिति: 2014-05-27 08:12:52
प्रतिक्रिया: