राज्यपुनसंरचनाका विवादित विषयमा छलफल गर्न संविधानसभाको बैठक बस्दै
Admin / 2014-06-02 03:23:05
नेपाल ब्युरो – जेठ १९, काठमाडौँ ।
संविधान निर्माणका क्रममा तत्कालीन संविधानसभामा देखिएको विवाद समाधान गर्न संविधानसभाको समितिले पहल सुरु गरेको छ ।
संविधानसभाको संवैधानिक राजनीतिक सम्वाद तथा सहमति समितिको आजको बैठकमा संविधानसभामा छलफल भएर आएका तत्कालिन संविधानसभाका समितिका विवादित विषयलाई मिलाउन छलफल हुँदैछ ।
आजको बैठकमा संविधानसभा बाहिर रहेका दलहरुसँग भएको छलफलको प्रगतिको समिक्षासँगै विवादित विषयमा छलफल हुँदैछ । समितिका सदस्य सचिव संसद सचिवालयका प्रवक्ता मुकुन्द शर्माले मिलेका विषयमा मस्यौदा समितिमा पठाउने र नमिलेका विषयलाई मिलाउने प्रक्रिया अन्तरगत छलफल हुने बताउनुभयो ।
यसैबीच राज्यपुनसंरचनाका विवादित विषयमा संविधानसभाको बैठकमा आजपनि छलफल हुनेभएको छ । बैठक दिउँसो १ बजे बस्ने छ । सभासदहरुले भनाई राख्ने क्रममा आफ्ना दलका प्रस्ताव अनुसार प्रदेशको संख्या निर्धारण गर्नुपर्ने बताइरहेका छन् ।
प्रकाशित मिति: 2014-06-02 03:23:05
प्रतिक्रिया: