एमालेमा संगठनात्मक प्रतिवेदनका विषयमा आज छलफल
Admin / 2014-06-02 03:43:00
नेपाल ब्युरो – जेठ १९, काठमाडौँ ।
नेकपा एमालेको नवौं महाधिवेशनमा एक हजार ९ सय प्रतिनिधिले भाग लिने भएका छन् ।
महाधिवेशन मूल व्यवस्थापन समितिले केन्द्रीय कार्यालय मदननगर बल्खुमा पत्रकार सम्मेलन गरि महाधिवेशनमा भाग लिने प्रतिनिधिमा केन्द्रीय समिति, सल्लाहकार, जेष्ठ कम्युनिस्ट मन्च लगायत केन्द्रबाट करीव ३ सय जना स्वतः प्रतिनिधी हुने जानकारी दिएको हो ।
पत्रकार सम्मेलनमा महासचिव इश्वर पोखरेलले हालसम्म २ लाख ५० हजार संगठित सदस्यको नविकरण भइसकेको र ५ जिल्लाको विवरण आउन बाँकी रहेको जानकारी दिनुभयो । पत्रकार सम्मेलनमा महाधिवेशनका लागि गठित बिभिन्न समितिहरुको कामको जानकारी समेत दिइएको थियो ।
एमालेले यसपटक वालपेन्टिङ, पर्चा पोष्टर प्रयोग नगरी आधुनिक सन्चार प्रविधिको उपयोग गर्ने भएको छ । प्रदीप ज्ञवाली नेतृत्वको पंरचार उपसमितिले मिडिया परिचालनको जिम्मा लिएको छ । महाधिवेशनस्थलमा आधुनिक सञ्चार कक्ष तयार पारिनेछ । अध्यक्ष झलनाथ खनालले नवौं महाधिवेशनलाई सूचना प्रविधिमा आधारित महाधिवेशन बनाउने योजना रहेको बताउनुभयो ।
यसैवीच महासचिव ईश्वर पोखरेलले पेश गर्ने संगठनात्मक प्रतिवेदनका विषयमा आजको केन्द्रीय कमिटीको बैठकमा छलफल हुने भएको छ । बैठक केन्द्रीय कार्यालय बल्खुमा बोलाइएको छ । विधान संसोधन सहित पेश भएको प्रतिवेदनमा छलफल सकिएपछि महाधिवेसनको तयारीका विषयमा छलफल हुनेछ ।
हिजोको नवौं राष्ट्रिय महाधिवेशनमा प्रस्तुत गरिने अध्यक्ष झलनाथ खनालको राजनीतिक दस्तावेजलाई पारित गरेको छ । दस्तावेज अध्ययन र सुझावका लागि महाधिवेशन अगावै मातहतका कमिटीमा पठाइने एमालेले जनाएको छ । एमाले केन्द्रीय सदस्य योगेश भट्टराईले आज महाधिवेशनमा प्रस्तुत गरिने साङ्गठनिक र विधानसम्बन्धी प्रस्तावबारे छलफल हुने जानकारी दिनुभयो ।
प्रकाशित मिति: 2014-06-02 03:43:00
प्रतिक्रिया: