रकमान्तरको विषयलाई लिएर बखेडा नझिकौ :सिंह
Admin / 2014-06-08 03:38:31
नेपाल ब्युरो–जेठ २५,काठमाडौ ।
उपप्रधान एवं स्थानिय विकास मन्त्री प्रकासमान सिंहले समयमा वजेट ल्याउन असर पर्ने भन्दै संसद अवरुद्ध नगर्न एकीकृत माओवादीलाई आग्रह गर्नुभएको छ ।
बजेट रकमान्तरको नियमित प्रकृयालाई केहि दलले अनावश्यक किचलो झिकेर संसद अवरुद्ध गरेको भन्दै त्यसलाई ठूलो समस्याको रुपमा लिएर अनावश्यक बखेडा नझिक्न आग्रह गर्नुभयो ।
मोरङको विराटनगरमा आज आयोजित एक कार्यक्रममा बोल्नुहुँदै उपप्रधानमन्त्री सिंहले चालु अवस्थामा रहेका केहि विकास निर्माण तथा अन्य कामहरु पुरा गर्न वजेट रकमान्तर गरेको विषयमा केहि दलहरुले अनावश्यक विवाद झिकेको आरोप लगाउनुभयो ।
वजेट रकमान्तर नियमित प्रकृया भएको स्पष्ट पार्दै यो नगरे चालु कामहरु पुरा हुन नसक्ने र विकास निर्माण कार्य अवरुद्ध हुने उहाँको भनाई थियो ।
सिंहले उच्च स्तरीय राजनैतिक संयन्त्र गठन गर्ने विषयमा सहमती भइसकेको भएपनि नेतृत्व कसले र कसरी गर्ने विषयमा टुंगो लाग्न नसक्दा गठन प्रकृयामा ढिलाई भइरहेको बताउनुभयो ।
प्रकाशित मिति: 2014-06-08 03:38:31
प्रतिक्रिया: