२०७० सालको एसएलसी परीक्षाको नतिजा आज गर्ने
Admin / 2014-06-13 05:41:00
नेपाल ब्युरो–जेठ ३०, काठमाडौँ ।
परीक्षा नियन्त्रण कार्यालयले २०७० सालको एसएलसी परीक्षाको नतिजा आज सार्वजनिक गर्ने तयारी गरेको छ ।
तयारी लगभग सकिएको र अन्तिम चरणमा केही प्राविधिक समस्या नपरे आज साँझसम्ममा परीक्षाफल प्रकाशित हुने परीक्षा नियन्त्रक विष्णुबहादुर द्वारेले बताउनुभयो ।
त्यसका लागि दिउँसो बोर्ड बैठक बस्ने पनि उहाँले बताउनुभयो । गएको चैत महिनामा भएको एसएलसी परीक्षामा ५ लाख ४८ हजार २ सय ४८ परीक्षार्थी सहभागी छन् । जसमध्ये नियमिततर्फ चार लाख १९ हजार तीन सय ५१ जना र आंशिकतर्फ एक लाख ४६ हजार सात सय ३३ जना रहेका छन् ।
गत वर्ष असार ५ गते नतिजा सार्वजनिक भएको थियो ।
एसएलसी परीक्षाको नतिजा प्रकाशन भएपछि सिटिजन एफएमले पनि एसएमएस सेवा मार्फत नतिजा थाहा पाउँन सकिने व्यवस्था गरेको छ । त्यसका लागि सिएफएम टाइप गरी एक स्पेश दिएर एसएलसी टाइप गरी अल्फाबेट सहितको आफ्नो सिम्बोल नम्बर लेखी २४२६ मा पठाउँनुपर्ने व्यवस्था गरिएको छ ।
प्रकाशित मिति: 2014-06-13 05:41:00
प्रतिक्रिया: