लागु औषध सहित दुई महिला पक्राउ
Admin / 2014-05-15 05:20:31
नेपाल ब्युरो–जेठ १, दाङ ।
दाङ प्रहरीले लागु औषध कारोबारमा संलग्न दुई महिला पक्राउ गरेको छ ।
उनिहरुलाई ३२ किलो लागू औषध चरेससहित प्रहरीले आज विहिवार नियन्त्रणमा लिएको हो ।
घोराही नगरपालिका–१ सर्रा की पृथ्वी रिजालको घरबाट ३८ बर्षीया भिमकुमारी खड्का रिजाल र रुकुम, मोरावाङ–२ घर भई हाल रोल्पा थवाङ बस्ने वर्र्ष ३६ की संगीता सुनारलाई ३२ किलो २ सय ग्राम चरेस र ५ सय ग्राम वन्यजन्तुको अंग जस्तो देखिने बस्तुसहित बिहीवार पक्राउ गरेको हो ।
लामो समय देखि प्रहरी नै ग्राहक बनेर उनीहरुको पिछा गरेको र जिल्ला प्रहरी कार्यालय दाङका डिएसपी ओमबहादुर रानाको नेतृत्वमा गएको प्रहरीको टोलीले चरेससहित उनीहरुलाई नियन्त्रणमा लिएको प्रहरी प्रमुख एसपी सरदकुमार खत्रीले जानकारी दिनुभयो । बरामद भएको वन्यजन्तुको अंग उनीहरुले हात्तीको खुट्टा भने पनि पूर्णरुपमा पहिचान हुन सकेको छैन ।
चरेस रुकुमबाट ल्याएको प्रहरीको अनुसन्धानबाट खुलेको र थप अनुसन्धान भैरहेको प्रहरीले जनाएको छ । लागू आषध ओसारपसार ऐन अन्तरगत मुद्दामा उनीहरुलाई कारबाही गरिने प्रहरीले वताएको छ ।
प्रकाशित मिति: 2014-05-15 05:20:31
प्रतिक्रिया: