हिस्टानले आफ्ना मागहरु पुरा नगरे देशभरका उच्च माविहरु बन्द गर्ने
Admin / 2014-06-12 06:13:36
नेपाल ब्युरो–जेठ २९, काठमाडौँ ।
सरकारले आफ्ना माँगहरु अविलम्ब कार्यन्वयन नगरे उच्च माध्यमिक शिक्षक एशोसिएशन नेपाल (हिस्टान्) ले देशभरका उमाविहरु अनिश्चितकालिन बन्द गर्ने चेतावनी दिएको छ ।
उच्च माध्यमिक शिक्षक एशोसिएशन नेपाल (हिस्टान्) ले आज राजधानीमा पत्रकार सम्मेलन गर्दै आफ्नो संगठनद्धारा विगतमा सरकारसंग प्रस्तुत गरेका जायज माँगहरु अविलम्ब कार्यन्वयन नगरे आगामी असार १ गतेदेखि देशव्यापी रुपमा उच्च माविहरु अनिश्चितकालिन बन्द गर्ने चेतावनी दिएको छ ।
हिस्टान्ले प्रत्येक सामुदायिक उच्च माविमा विषयगत रुपमा कम्तीमा पाँच वटा दरबन्दी उपलब्ध गराउनुपर्ने, उच्च माविमा कार्यरत शिक्षकहरुलाई विश्वविधालय सो सरहको सेवा सुविधा दिनुपर्ने, उच्च माविहरुलाई प्रक्रिया पुरा गराई स्थायी सम्बन्धन दिनुपर्ने, आचारसंहिता पूर्ण रुपमा कार्यन्वयन गर्नुपर्ने , उच्च माध्यमिक शिक्षा परिषदको असक्षम नेतृत्व अविलम्ब बर्खास्त गर्नुपर्नै लगायतका १२ बुँदे माँगहरु अघि सारेको छ ।
पत्रकार सम्मेलनमा बोल्दै हिस्टानका अध्यक्ष दिपकराज सुवेदीले आफूहरुले माँग सम्वोधनका लागि सरकारसंग पटक–पटक गरेका सम्झौताहरु कार्यन्वयन नभएको हुँदा सम्झौता कार्यन्वयनका लागि पूनः अर्को आन्दोलन गर्न आफूहरु बाध्य हुने भन्दै आगामी असार ०१ गतेबाट मुलुकभरका उच्च माविहरु बन्द गर्ने चेतावनी दिनुभएको हो ।
उच्च माध्यमिक शिक्षक एशोसिएशन नेपाल (हिस्टान्) ले २०७१।०२।३० गते देशका सम्पूर्ण उमाविहरुमा हिस्टानले उठाएको माग सहितको अपिल प्रार्चायलाई उपलब्ध गराउने जानकारी पनि दिएको छ ।
प्रकाशित मिति: 2014-06-12 06:13:36
प्रतिक्रिया: