ट्रकले टेम्पोलाई ठक्कर दिँदा दुईको मृत्यु
Admin / 2014-07-16 03:45:22
नेपाल ब्युरो–असार ३२, काठमाडौँ ।
वीरगन्जको नगवामा आज बिहान ट्रकले टेम्पुलाई ठक्कर दिँदा दुईजनाको घटनास्थलमा नै मृत्यु भएको छ ।
रक्सौलबाट वीरगन्जतर्फ आउँदै गरेकोे ना १ ह ४३२ नम्बरको टेम्पुलाई सोही दिशाबाट आउँदै गरेको ना ४ ख ९१४ नम्बरको ट्रकले पछाडिबाट ठक्कर दिँदा टेम्पुका चालकसहित दुईजनाको मृत्यु भएको हो ।
टेम्पुचालक वीरगन्ज उपमहागरपालिका–१९ नगवा निवासी ३२ वर्षीय मन्सुर देवान र भारतको आन्ध्रप्रदेश हैदरावाद निवासी पथइया पाराका ८ वर्षीय छोराको घटनास्थलमा नै मुत्यु भएको जिल्ला प्रहरी कार्यालय पर्साले जनाएको छ ।
ट्रकको ठक्करबाट घाइते भएका ७ जनाको वीरगन्जको नारायणी उपक्षेत्रीय अस्पतालमा उपचार भइरहेको छ ।
उता पोखराको सभागृह चोकमा मिनिबसको ठक्करबाट आज एक जनाको मृत्यु भएको छ ।
सडक पेटीमा बस्दै आएका धादिङ पात्लेखाल्टेका २४ बर्षीय गोविन्द गिरीको मृत्यु भएको प्रहरीले जनाएको छ ।
प्रहरीका अनुसार तीब्र गतिमा रहेको ग १ ख ३८८६ नम्बरको मिनिबसले नियन्त्रण गुमाई सडकपेटीको रेलिङ भाचेर गिरीलाई किचेको हो ।
प्रकाशित मिति: 2014-07-16 03:45:22
प्रतिक्रिया: