टोक्यो, जापान।
हिन्दु महिलाहरुको चाड हरितालिकाको अवसरमा आज
जापानको राजधानी शहर टोक्योमा बेग्ला बेग्लै दुई वटा कार्यक्रम हुदैछ।वी फर अलले
शहरको केन्द्रमा रहेको सिन्जुकु बुन्का सेन्टरमा तिज महोत्सव कार्यक्रम गर्न लागेको हो
भने अन्तराष्ट्रिय नेपाली समाज,जापान र म नेपाली ग्रुपको संयुक्त
आयोजनामा ईकेगामी खाइगनमा तिज फेस्टिबल कार्यक्रम हुंदैछ।
वि फर अलले आयोजना गरेको तिज महोत्सबमा सहभागी
हुन मञ्जु पौडेल, टीका पुन टोक्यो आईसकेका छन। रामजी खांड भने ब्यस्तताका कारण आज
मात्र टोक्योमा आईपुग्ने आयोजक संस्थाका सचिब शितल योञ्जनले जानकारी दिएका छन।
कलाकार खांड बिहिबार युएईमा तिजे कार्यक्रममा गीत गाउंदै थिए।अतिथि कलाकारहरुको
साथमा जापानमै रहेका सुर्य खडका,बिनोद भण्डरी र अन्य कलाकारहरुको पनि कार्यक्रममा
प्रस्तुति रहने आयोजकहरुले जनाएका छन।
‘गत बर्षको कार्यक्रममा सहभागी दिदीबहिनिहरु धेरै
भएर राम्रारी नाच्न नपाएकोले यसपटक स्टेजमा मात्रै पनि ३ सय जना नाच्न मिल्ने ठुलै
हलमा कार्यक्रम गर्न लागेको हो’ वि फर अलका अध्यक्ष सरोज खत्रीले बताए।सिन्जुकु
स्टेशनबाट हिडेर ५ मिनेटको दुरीमा रहेको हलमा आबश्यक सबै सुबिधाहरु रहेकोले
जापानबासी नेपालीहरुको ठुलो सहभागिताको अपेक्षा राखिएको अध्यक्ष खत्रिले बताए।
अन्तराष्ट्रिय नेपाली समाज, जापान र म नेपाली
ग्रुपले आयोजना गरेको तीज फेस्टिबल कार्यक्रम गर्न लागेको ईकेगामी खाईकन
नेपालीहरुको लागि नौलो नाम होईन। यो हलमा बिगतमा पनि तिजको कार्यक्रम अनि अन्य
धेरै कार्यक्रमहरु आयोजना भएकोले सहभागीहरु सजिलै कार्यक्रम स्थल आउन सक्ने भएकोले
अधिक दर्शक सहभागि हुने आयोजक संस्थाहरुले
आशा गरका छन।तिज फस्टिबलमा सहभागी हुन कलाकारहु खुमन अधिकारी,रमिला न्यौपाने र कला
पंगेनी जापान आईपुगि सकेका छन।
एकै दिनमा दुई वटा तीजको कार्यक्रम आयोजना हुंदा दर्शकहरुलाई कुनमा जाने दुबिधा हुने प्रस्ट देखिन्छ। छुट्टाछुट्टै दिनमा कार्यक्रम गरेको भए अथवा संयुक्त रुपमा आयोजना गरेको भए राम्रो सन्देश जाने थियो यसरी एकै दिनमा कार्यक्रम राख्दा दर्शक सहभागी दोधारमा पर्नेछ जापानमा रहेका बुद्दिजिवीहरुले चिन्ता ब्यक्त गरेका छन।