एमए ६० जहाज फेरि ग्राउण्डेड
Admin / 2014-08-19 08:32:58
नेपाल ब्युरो–भदौ ३, काठमाडौ ।
नेपाल वायु सेवा निगमको एमए ६० जहाजको इन्धन भल्भमा खराबी आएका कारण फेरि पनि ग्राउण्डेड भएको छ ।
एमए ६० ग्राउन्डेड भएको यो तेस्रोपटक हो ।
५६ सिट क्षमताका भएकोे सो चिनियाँ जहाजको इन्धन भल्भमा खराबी आएपछि ग्राउण्डेड गर्नुपरेको हो ।
पहिलोपटक काठमाडौबाट विराटनगर जाने क्रममा पखेटामा चरा ठोक्किएर ग्राउन्डेड भएको थियो भने दोस्रोपटक राडारमा खराबी आएपछि ग्राउन्डेड भएको थियो ।
निगम स्रोतका अनुसार एमए ६० शुक्रबार बेलुकादेखि नै ग्राउन्डेड भएको थियो । ग्राउन्डेड भएको जानकारी टिकट काटेका यात्रुलाई जानकारी नदिएपछि धेरैजसो यात्रुहरु विमानस्थल पुगेर फर्केका थिए ।
जहाजको इन्धन भल्भ विग्रेपछि चीनबाट सामान झिकाइसकिएको छ । आज बेलुकीसम्म फेर्नुपर्ने पार्टस् आइसक्ने बुझिएको छ ।
प्रकाशित मिति: 2014-08-19 08:32:58
प्रतिक्रिया: