बाढीपहिरो प्रभावितलाई उद्धार तथा राहत वितरणमा ढिलासुस्ती नगर्नुहोस : कोइराला
Admin / 2014-08-18 02:32:32
नेपाल ब्युरो – भदौ २, काठमाडौ ।
बाढीपहिरोबाट प्रभावितहरुलाई राहत र उद्धार कार्यमा डिलासुस्ती नगर्न प्रधानमन्त्री सुशील काइरालाले निर्देशन दिनुभएको छ ।
उहाँले आज एक विज्ञप्ती जारी गर्दे बाढिपहिरो पीडितहरुको उद्धार, राहत वितरण र पुनस्थापनामा नेपाली सेना, नेपाल प्रहरी,सशस्त्रप्रहरी, केन्द्रदेखि स्थानीय प्रशासनको समग्र शक्ति लगाइरहेको जनाउनुभएको छ ।
यी सम्पूर्ण कार्यको सम्पादनमा केन्द्रीय स्तरमा समन्वय ल्याउनका लागि प्रधानमन्त्रीको सचिवालय अन्तरगत प्राकृतिक प्रकोप उद्धार नियन्त्रण कक्ष स्थापना गरी क्रियाशील तुल्याइएको प्रधानमन्त्रीको भनाई छ ।
उपयुक्त समयमा म आफै पनि यी समग्र प्रकृयाको स्थलगत अवलोकन गरी उद्धार, राहत र पुनस्थापना कार्यलाई गति दिन इच्छुक छु” कोइरालाले विज्ञप्तीमा भन्नुभएको छ ।
साउन महिनाको उत्तरार्धमा परेको अविरल बर्षाले देशका विभिन्न भागमा अकस्मात बाढी पहिरो आएर ठूलो जनधनको क्षति हुन गएको घटनाले आफूलाई निकै मर्माहत बनाएको प्रधानमन्त्रीले बताउनुभएको छ ।
प्रकाशित मिति: 2014-08-18 02:32:32
प्रतिक्रिया: