प्रधानमन्त्री सुशील कोइराला सोमबार भारत जाने
Admin / 2014-05-22 07:34:46
नेपाल ब्युरो–जेठ ८ काठमाडौँ ।
प्रधानमन्त्री सुशील कोइराला भारतका नवनिर्वाचित प्रधानमन्त्री भारतीय जनता पार्टीका नेता नरेन्द्र मोदीको शपथ ग्रहण कार्यक्रममा सहभागी हुन आगामी सोमबार भारत जानुहुने भएको छ ।
आज बसेको मन्त्रीपरिषदको वैठकले प्रधानमन्त्री कोइराला सोमबार भारत जाने निर्णय गरेको हो ।
प्रधानमन्त्री कोइराला सोमबार बिहान ८ बजे भारत जाने सरकारका प्रवक्ता एवं सूचना तथा सञ्चारमन्त्री मिनेन्द्र रिजालले जानकारी दिनुभयो । प्रधानमन्त्री कोइराला विशेष अतिथिका रुपमा शपथ ग्रहण कार्यक्रममा सहभागी हुनुहुनेछ ।
शपथ ग्रहणको भोलीपल्ट कोइराला र उहाँका समकक्षी मोदीबीच द्धिपक्षीय वार्तासमेत हुने तय भएको छ । सो वार्तामा नेपालले उठाउने एजेण्डा भने सार्वजनिक गरिएको छैन् ।
यसैगरी मन्त्रिपरिषद्ले दुईजना सचिबको सरुवा गरेको छ भने एकजनाको पदस्थापन गरेको छ । सुरेशमान श्रेष्ठलाई सहरी विकास मन्त्रालयमा सरुवा गरिएको छ भने, भोला सिलवाललाई श्रम तथा रोजगार मन्त्रालयमा सरुवा गरिएको छ । त्यस्तै मधे रेग्मीलाई निर्वाचन आयोगमा पदस्थापन गरिएको छ ।
यस्तै दार्चुलाका बाढी पीडितलाई सहुलीयत दरमा ऋण उपलब्ध गराउने निर्णय भएको सरकारका प्रवक्ता तथा सञ्चारमन्त्री मिनेन्द् रिजालले जानकारी दिनुभयो ।
प्रकाशित मिति: 2014-05-22 07:34:46
प्रतिक्रिया: