बाँदरमुढे घटना भएको आज ९ वर्ष पुरा
Admin / 2014-06-06 04:01:17
नेपाल ब्युरो–जेठ २३, काठमाडौँ ।
बाँदरमुढे घटना भएको आज ९ वर्ष पुरा भएको छ ।
चितवनको माडीस्थित कल्याणपुर गाविसमा पर्ने बाँदरमुढे खोलामा तत्कालिन विद्रोही नेकपा माओवादीले थापेको एम्बुसमा परि ३८ जनाले ज्यान गुमाएका थिए ।
माडीको अयोध्यापुरी गाविसको बगईबाट भरतपुरका लागि छुटेको ना १ ख ३२४५ नम्बरको बस २०६२ साल जेठ २३ गते विहान पौने ८ बजे बाँदरमुढे खोलामा विद्युतीय धरापमा पर्दा ३८ जनाको ज्यान गएको थियो भने ७२ जना घाइते भएका थिए । घटना भएको बर्षौ बितिसक्दा पनि आफुहरुले उचित राहत र न्याय नपाएको पीडितहरुले गुनासो गर्दै आएका छन् ।
पीडितहरुलाई एकिकृत माओवादी अध्यक्ष पुष्पकमल दाहालले ६० लाख रुपैयाँ राहतको घोषणा गरे पनि पिडितहरुले मानविय संबेदनालाई पैसासंग जोडेको भन्दै दाहालले घोषणा गरेको राहतको प्याकेज बहिस्कार गरेका थिए ।
यसैबीच घटनाको स्मृतिमा आज बाँदरमुढे घटना पीडित संघर्ष समिति चितवनले बाँदरमुढे खोलामा शोकसभा गर्दैछ । बाँदरमुढे पीडितहरुको सकृयतामा बनेको बाँदरमुढे स्मारकको उचित संरक्षण हुन सकेको छैन ।
प्रकाशित मिति: 2014-06-06 04:01:17
प्रतिक्रिया: