टोकियो।
गत वर्ष ट्रेनको लिगमा खसेकी जापानी युवतीलाई बचाएको कदर स्वरुप नेपाली युवक अनुजराज
कार्कीलाई जापान सरकारले उच्च सम्मान प्रदान गरेको छ। जापान सरकारका तर्फबाट प्रधानमन्त्री
सिन्जो आवेले शुक्रवार टोकियोमा एक बिशेष समारोहका बीच नेपाली युवा कार्कीलाई सम्मान
गरेको हो
आफ़्नो
ज्यान जोखिममा पारेर अरुको ज्यान बचाउने साहसी कार्य गरेको भन्दै जापानी सम्राट अकिहितोको
आदेशमा प्रधानमन्त्री आवेले जापानी सरकार र जापानी जनताको तर्फबाट उक्त सम्मान प्रदान
गरेको हो
प्रधामन्त्री
आवेले आफ़्नै कार्यालयमा आयोजित एक बिशिष्ट समारोहमा कार्कीको अदम्य साहसको उच्च सम्मान
गर्दै द मेडल वीथ रेड रिवन विभूषण र प्रशंसापत्रले
सम्मान गरेको हो। प्रशंसा पत्रमा असाधारण कार्य गरी
जापानी नागरिकको जीवन रक्षा गरेकाले जापान सरकार उच्च सम्मान ब्यक्त गर्दछ भन्ने उल्लेख
छ। यो सम्मान आफ़्नो जीवन जोखिममा पारेर अरुको जीवन रक्षा गर्नेका लागि प्रदान गरिने
सम्मान भएको बताईएको छ
नेपाली
नागरिक कार्कीलाई जापान सरकारद्वारा उच्च सम्मान प्रदान गरिएकोमा जापानस्थित नेपाली
राजदूतावासले स्वागत गरेको छ यसबारेमा प्रतिक्रिया दिदैं जापानका लागि नेपाली राजदूत
डा. मदनकुमार भट्टराईले प्रशंसायोग्य कार्यका लागि कार्की सम्मानित भएको र यो सम्मानले
दुइ देशका नागरिकस्तरमा आपसी सम्बन्ध र बिश्वास अझ प्रगाढ बन्ने बताए हामी सबै नेपालीका
लागि यो अत्यन्त खुशीको कुरा हो' राजदूत डा. भट्टराईलेलाई बताए।
कार्कीलाई
गत नोवेम्वर ३ तारिख कल्चर डेका अवसरमा जापानी सम्राट आकिहितोबाट सम्मान
गरिने कार्यक्रम रहेको भए पनि कार्की नेपालमा रहेको कारण सम्राटको तर्फबाट प्रधामन्त्री
आवेले हिजो सम्मान गरेको हो।
उक्त
सम्मान मानवीय उद्वारमा साहसिक कार्य गर्ने ज्यादै कम ब्यक्तिलाई मात्र प्रदान गरिने
अत्यन्त महत्वपूर्ण र असाधारण सम्मान मानिन्छ।
सम्मान
ग्रहण पछि कार्कीले सबै नेपालीका लागि गौरवको कुरा हो, मानवीयताको नाताले गरिने यस्ता कार्यमा
नेपालीहरु अगाडि छन भन्ने एउटा नमुना पनि भएको बताए।