नेपाल र भारतका सेनाको संयुक्त तालिम आजदेखि सुरु
Admin / 2014-08-18 02:59:32
नेपाल ब्युरो– भदौ २, काठमाडौ ।
नेपाल र भारतको सेनाको संयुक्त तालिम आजबाट सुरु भएको छ ।
सो तालिम आतंककारी आक्रमणको प्रतिकार गर्ने तथा जंगलमा हुन सक्ने सम्भावित द्धन्द्धलाई नियन्त्रण गर्नेका लागि नेपाल र भारतका सेनाले आजबाट गर्नेभएका छन् ।
आजबाट सुरू हुने अभ्यासमा नेपाल र भारतका गरी ३ सय सेनाले भाग लिनेछन् ।
सूर्य किरन सातौ नाम दिइएको उक्त अभ्यास आजदेखि ३१ अगस्तसम्म हुनेछ । भारतीय सेनाले एक विज्ञप्ति जारी गर्दै उक्त अभ्यास ५ हजार देखी ६ हजार फिटसम्मको उचाईमा गरिने जानकारी दिएको छ ।
भारतको पिथोरागढ जिल्लामा हुने अभ्यासमा आतंककारी आक्रमणलाई प्रतिकार गर्ने तथा जंगलमा हुन सक्ने सम्भावित द्धन्द्धलाई नियन्त्रण गर्ने तालिम दिइने छ ।
यस्तै, अभ्यासका क्रममा रोग नियन्त्रण तथा उड्ययनका विभिन्न पक्षमा समेत तालिम दिइने बताइएको छ ।
भारतीय सेनाका प्रवक्ताले यो अभ्यासलाई दुई देशका सेनाबीचको सहकार्य मात्र नभई दुई देश बीचको ऐतिहासिक र सांस्कृतिक सहकार्य समेत भएको बताएका छन् ।
प्रकाशित मिति: 2014-08-18 02:59:32
प्रतिक्रिया: