नेपाल ब्युरो–असार १,काठमाडौ । आज बस्ने व्यवस्थापिका–संसदको बैठकमा पूर्व बजेटमाथि छलफल हुने भएको छ । दिउँसो ३ बजे संविधानसभा भवन नयाँ बानेश्वरमा बस्ने बैठकमा पुर्व बजेटमाथि आ–आफ्नो भनाई राख्नेछन् । आगामी आर्थिक वर्षको बजेट आउनुपूर्व त्यसको तयारीका क्रममा विनियोजन विधेयकका सिद्धान्त र प्राथमिकता सम्बन्धमा अर्थमन्त्री रामशरण महतले राख्नुभएको प्रस्तावमामाथि छलफल सुरु भइसकेकाले आज यस विषयमा थप छलफल हुन लागेको संसद सचिवालयका प्रवत्ता मुकुन्द शर्माले जानकारी दिनुभयो । नेपाल ब्युरो– जेठ ३०, काठमाडौँ । देशको छुट्टाछुट्टै स्थानमा भएको दुर्घटनामा परि ४ जनाको मृत्यु भएको छ । महोत्तरी जिल्लाको सिमरदही गाविसमा हिजो साँझ घरको आँगनमै रहेको खाल्टोको पानीमा डुबेर एक बालकको मृत्यु भएको छ । मृत्यु हुनेमा सिमरदही गाविस–५ बस्ने नरिस अन्सारीका दुई वर्षका छोरा दिलसन अन्सारी रहेको जिल्ला प्रहरी कार्यालयले जनाएको छ । नेपाल ब्युरो–जेठ ३०, काठमाडौँ । परीक्षा नियन्त्रण कार्यालयले २०७० सालको एसएलसी परीक्षाको नतिजा आज सार्वजनिक गर्ने तयारी गरेको छ । तयारी लगभग सकिएको र अन्तिम चरणमा केही प्राविधिक समस्या नपरे आज साँझसम्ममा परीक्षाफल प्रकाशित हुने परीक्षा नियन्त्रक विष्णुबहादुर द्वारेले बताउनुभयो । नेपाल ब्युरो–जेठ ३०,काठमाडौ । प्रधानमन्त्री सुशील कोइराला आउने असार ३ गते उपचारका लागि अमेरिका जाने हुनुभएको छ । त्रिवि शिक्षण अस्पतालमा परीक्षण गर्दा फोक्सोमा कालो दाग देखिएपछि चिकित्सकहरुले उहाँलाई अमेरिका जान सिफारिस गरेका थिए । उहाँ लामो समयदेखि जिब्रोको क्यान्सरबाट पीडित हुनुहुन्छ । नेपाल ब्युरो–जेठ २९, काठमाण्डौँ । उपप्रधानमन्त्री वामदेव गौतमले सरकारको नेतृत्वकर्ता नेपाली कांग्रेस सहमति भाँड्ने खेलमा लागे सरकार ढल्ने बताउँनुभएको छ । आज दाङको सदरमुकाम तुलसीपुरमा आयोजित एक कार्यक्रममा बोल्नुहुँदै उहाँले वर्तमान सरकारको मूख्य घटक एमाले भएकाले भएका सहमति भाँड्ने दुस्प्रयास नर्गन चेतावनी दिनुभयो । नेपाल ब्युरो–जेठ २९, काठमाडौँ । सरकारले आफ्ना माँगहरु अविलम्ब कार्यन्वयन नगरे उच्च माध्यमिक शिक्षक एशोसिएशन नेपाल (हिस्टान्) ले देशभरका उमाविहरु अनिश्चितकालिन बन्द गर्ने चेतावनी दिएको छ । उच्च माध्यमिक शिक्षक एशोसिएशन नेपाल (हिस्टान्) ले आज राजधानीमा पत्रकार सम्मेलन गर्दै आफ्नो संगठनद्धारा विगतमा सरकारसंग प्रस्तुत गरेका जायज माँगहरु अविलम्ब कार्यन्वयन नगरे आगामी असार १ गतेदेखि देशव्यापी रुपमा उच्च माविहरु अनिश्चितकालिन बन्द गर्ने चेतावनी दिएको छ । नेपाल ब्युरो–जेठ २९, काठमाडौँ । एकीकृत नेकपा माओवादीका अध्यक्ष पुष्पकमल दाहालले पार्टीभित्र जारी बहसले नयाँ शक्ति दिने दावी गर्नुभएको छ । बिगतदेखि नै पार्टीभित्रको बहसले समय अनुसार पाटी परिवर्तन हुँदै आएको भन्दै उहाँले अहिलेको बहस विवाद नभई बहस मात्र भएको जिकीर गर्नुभयो । नेपाल ब्युरो–जेठ २९, कञ्चनपुर । गर्मी धेरै बढेका कारण कञ्चनपुरमा दुइको मृत्यु भएको छ । गर्मी बढेकाले काम गर्दैगर्दा बेहोस भएपछि अस्पताल लैजाँदै गर्दा दुवैजनाको मृत्यु भएको बताइएको छ । नेपाल ब्युरो–जेठ २९, काठमाडौँ । बालश्रम विरुद्धको अन्तर्राष्ट्रिय दिवस नेपालमा पनि विभिन्न कार्यक्रम गरी आज मनाईंदैछ । अन्तर्राष्ट्रिय श्रम संगठनको महासन्धि पारित गरिएको दिनको अवसरमा प्रत्येक वर्ष १२ जुनमा विश्वभर यो दिवस मनाउने गरिन्छ । सरकारी निकाय तथा बालबालिकाका क्षेत्रमा कार्यरत गैरसरकारी संघसंस्थाहरुले दिवसको अवसरमा आज विभिन्न कार्यक्रम गर्दैछन् । नेपाल ब्युरो–जेठ २९, काठमाडौँ । आउदो असार १९ गतेदेखि काठमाडौंमा हुने महाधिवेसनका लागि नेकपा एमालेले विभिन्न विषयको छलफल र तयारी तिब्र पारेको छ । त्यसक्रममा पार्टीको विधान संशोधन प्रस्तावलाई अन्तिम रूप दिन बनाईएको कार्यदलको बैठक आज बस्दैछ । नेपाल ब्युरो–जेठ २९, काठमाडौँ । तत्कालीन मौलिक अधिकार तथा निर्देशक सिद्धान्त समितिको प्रतिवेदनको बारेको छलफल आज पनि जारी रहेको छ । संविधानसभा भवन नयाँ बानेश्वरमा जारी बैठकमा यसअघि नै पेस गरिएको मौलिक अधिकार तथा निर्देशक समितिको सहमतिका विषयहरुको निक्र्योलसम्बन्धी प्रतिवेदन २०७१ र असहमतिको विषयहरुको निक्र्योलसम्बन्धी प्रतिवेदन २०७१ मा छलफल जारी रहेको संविधानसभा सचिवालयका प्रवक्ता मुकुन्द शर्माले जानकारी दिनुभयो । सन् १९३० मा उरुग्वेबाट फुटबलको महासंग्राम सुरु भएको ठीक ८४ वर्षपछि ब्राजिलमा फुटबलको महासंग्राम चल्दै छ। आज बिहीबारको मध्यरातदेखि महासंग्रामले विश्वको ध्यान खिच्ने छ। नेपाल ब्युरो–जेठ २८, काठमाडौँ । १५ औं राष्ट्रिय सरसफाइ सप्ताह आज समापन हुँदैछ। विश्व वातावरण दिवसको अवसर पारेर जुन पाँच तारिखमा सरसफाई सप्ताह शुरु गरिएको थियो । ‘खुला दिसामुक्त गर्दै अघि बढ्यो नेपाल, सफा सुन्दर गाउँ शहर तराई पहाड हिमाल’ भन्ने मूल नाराका साथ सरसफाइ सप्ताहका अवसरमा पानीका स्रोत तथा गाउँ टोल सरसफाइ, खुला दिसामुक्त घोषणा, फोहोरको वर्गीकरण र व्यवस्थापन, संस्थागत निकायको सरसफाइ लगायत विभिन्न जनचेतनामूलक कार्यक्रम गरिएको छ । नेपाल ब्युरो–जेठ २८,काठमाडौ । सूचना तथा सञ्चारमन्त्री मीनेन्द्र रिजालले दलहरुको आन्तरिक विवादका कारण २६ सभासद मनोनयनमा समस्या भएको बताउनुभएको छ । मनोनयन गर्नुपर्ने २६ सभासद मनोनयनका लागि सरकार गम्भीर रुपमा लागेको भन्दै रिजालले दलहरुको आन्तरिक विवादका कारण मनोनयनमा समस्या भएको बताउनुभयो । नेपाल ब्युरो –जेठ २७, काठमाडौँ । यस वर्षको एसएलसी परीक्षाको परिक्षाफल जेठ महिनाको अन्त्य (आगामी शनिबार)सम्ममा हुने भएको छ । परीक्षा नियन्त्रण कार्यालयले प्राप्ताङकको लेजर तयार भएको जनाएको छ । कार्यालय स्रोतकाअनुसार अबको दुई दिन नम्बरहरु भेरिफाई गर्न लाग्ने भएकोले शनिबार परिक्षाफल प्रकाशित हुने सम्भावना बढि रहेको छ । नेपाल ब्युरो–जेठ २८, काठमाडौँ । केही दिन यता अवरुद्ध बन्दै आएको व्यवस्थापिका संसद सुचारु गर्न प्रमुख दलहरुले आज पनि कसरत जारी राख्ने भएका छन् । एकीकृत माओवादीको अडानका कारण संसद वैठक एक साता भन्दा लामो समयदेखि अवरुद्ध हुँदै आएको छ । संसदलाई अवरुद्ध गरेर आफ्ना अध्यक्ष पुष्पकमल दाहाललाई उच्चस्तरीय राजनीतिक संयन्त्रको संयोजक बनाउँने दाउमा एकीकृत माओवादी रहेको छ । तर प्रमुख तीन दल उसको यो घुर्कीबाट रत्तिभर पनि त्रसित बनेको देखिदैन । २८ जेठ । अवैध सिकार गरी मारेको दुर्लभ वन्यजन्तु मृगसहित पक्राउ परेका नेपाल विद्यार्थी संघका नेता तथा शंकरदेव क्याम्पसका स्ववियु सभापति शुभराम बस्नेतलाई छुटाउन कांग्रेसका केन्द्रीय स्तरका नेताले दबाब दिएका छन्। घटनालगत्तै स्थानीयको घेरामा परेको उक्त समूह २५ हजार रुपैयाँ दिएर उम्कन खोजे पनि सफल भएको थिएन। धनगढी - नेकपा मशालका महामन्त्री मोहन बिक्रम सिंहले ठूला राजनीतिक दलका नेताको गलत भुमिकाका कारण नेपालमा राजतन्त्रको पुनवर्हाली हुनसक्ने संभावना रहेको बताएका छन्। भारतमा भएको सत्ता परिवर्तनले यहाँ दलका नेताहरुको भूमिका बदलिन सक्ने भन्दै जनताले चनाखो भएर लोकतन्त्र र गणतन्त्र बचाउन संघर्ष गर्नुपर्ने आवश्यकता रहेको उनको भनाइ छ। नेपाल ब्युरो–७ जेठ, पोखरा । नेकपा एमालेका बरिष्ठ नेता माधवकुमार नेपालले आफूले युवाको चाहाना अनुसार काम गर्ने भन्दै उनीहरुले नै आफूलाई अध्यक्षको प्रत्यासि बन्न हौस्याएको बताउनुभएको छ । नवौं महाधिवेशनका लागि अध्यक्षका प्रत्यासी नेता नेपालले आज कास्कीको पोखरामा आयोजित कार्यक्रममा बोल्नुहुँदै युवाहरुको माग अनुसार आफूले उम्मेद्वारी दिएको बताउनुभएको हो । नेपाल ब्युरो–जेठ २७,काठमाडौ । बर्षायाम सुरु भएसंगै राजधानीमा तरकारीको मूल्यमा दोब्बर वृद्धि भएको छ । तरकारी उत्पादन हुने जिल्लामा सुख्खा भएपछि त्यसको असर राजधानीमा परेको कालिमाटी फलफूल तथा तरकारी विकास समितिले जनाएको छ । व्यवसायीका अनुसार राजधानीमा तरकारी पर्याप्त मात्रमा आउन सकेको छैन । कालिमाटी फलफूल तथा तरकारी विकास समितिका अनुसार एक सातामा मात्रै अधिकांश तरकारीको मूल्य दोब्बर बढेको छ । नेपाल ब्युरो–जेठ २७, काठमाडौँ । परिक्षा नियन्त्रण कार्यालयले यस वर्षको एसएलसी परीक्षाको नतिजा जेठ महिनाभित्रै प्रकाशित गर्ने तयारी गरेको छ । परिक्षा नियन्त्रण कार्यालयको आजको बैठकमा बोर्डका सदस्य सचिव एवं परीक्षा नियन्त्रण विष्णुबहादुर द्धारेले परिक्षाफल प्रकाशित गर्न अघिको सम्पूर्ण विवरण समितिलाई दिनुहुने भएको छ । उहाँले तयारी अन्तिम चरणमा पुगेको र यो महिनाको अन्त्यभित्रै परीक्षाफल प्रकाशित हुने बताउनुभयो । परीक्षा नियन्त्रण कार्यालयले १ आइभीआर, ८ वटा एसएमएस, ८ वटा वेवसाइटमार्फत परीक्षाको नतिजा सुन्न हेर्न पाइने व्यवस्था गरेको छ नेपाल ब्युरो–जेठ २५,काठमाडौ । राष्ट्रिय प्रजातन्त्र पार्टीको अध्यक्षमा पशुपतिशमशेर राणा चयन हुनुभएको छ । केहिदिन अघिमात्र आफु पार्टीको अध्यक्ष भएको स्वघोषणा गर्नुभएका नेता लोकेन्द्र बहादुर चन्दलाइ वाइपास गर्दै सुर्यवहादुर थापा र पशुपतिशमशेर राणा पक्षको निर्णयबाट राणा अध्यक्षमा चयन हुनुभएको हो । नेपाल ब्युरो–जेठ २५, काठमाडौं । प्रमुख तीन दल संसद सुचारु गर्न सहमत भएपछि एकीकृत माओवादि लगायतका केहि विपक्ष दलका कारण अवरुद्ध हुँदै आएको व्यवस्थापिका संसदको बैठक आजबाट सुचारु हुने भएको छ । उच्चस्तरीय राजनीकि समिति गठन गर्ने विषयमा प्रमुख तिन दलविच सहमति भएपछि अवरुद्ध हुँदै आएको संसदको बैठक संचालन हुने भएको हो । नेपाल ब्युरो–जेठ २५, काठमाण्डौ । नेकपा एमालेका अध्यक्ष झलनाथ खनालले पार्टीको आसन्न नवौं महाधिबेशन एकताको महाधिबेशन हुने दाबी गर्नुभएको छ । पार्टी केन्द्रीय कार्यालय बल्खुमा आयोजित एक कार्यक्रममा बोल्नुहुँदै अध्यक्ष खनालले नयाँ नेतृत्वका बिषयमा छुट्टाछुट्टै दाबी आएपनि महाधिबेशन स्थलमा पुग्दा एकतामा परिणत हुने दाबी गर्नुभएको हो । नेपाल ब्युरो–जेठ २५,काठमाडौ । उपप्रधान एवं स्थानिय विकास मन्त्री प्रकासमान सिंहले समयमा वजेट ल्याउन असर पर्ने भन्दै संसद अवरुद्ध नगर्न एकीकृत माओवादीलाई आग्रह गर्नुभएको छ । बजेट रकमान्तरको नियमित प्रकृयालाई केहि दलले अनावश्यक किचलो झिकेर संसद अवरुद्ध गरेको भन्दै त्यसलाई ठूलो समस्याको रुपमा लिएर अनावश्यक बखेडा नझिक्न आग्रह गर्नुभयो ।