नेपाल ब्युरो–जेठ २५, काठमाडौ । संबिधानसभाको बैठकमा आज पनि राज्य पुनःसंरचना र शक्ति बाँडफाँडको प्रारम्भिक मस्यौदामाथि छलफल हुँदैछ । संविधानसभा भवन नयाँ बानेश्वरमा जारी आजको बैठकमा पनि मस्यौदामाथि धारणा राख्न बाँकी सभासद्हरुले बोल्ने क्रम जारी छ । तत्कालिन राज्यको पुनसंरचना र राज्यशक्तिको बाँडफाँड समितिको प्रारम्भिक मस्यौदामा भएका सहमति र असहमतिको निक्र्यौलसम्बन्धि प्रतिवेदन र त्यससम्बन्धि पुरक प्रतिवेदनमाथि ९ दिनदेखि सभासद्हरुले आ आफ्नो धारणा राख्दै आएका छन् । नेपाल ब्युरो–जेठ २५,काठमाडौ । बाजुराको कोल्टीमा गएराति गएको पहिरोमा परी मृत्यु हुनेको संख्या तीन पुगेको छ । पहिरोले स्थानीय करविर कडाराको घर बगाउँदा ५८ वर्षका गोरे बुढा कोल्टी गाविस ८ का ४० वर्षका कर बुढा र उनका छोरा ५ बर्षका दिनेस बुढाको मृत्यु भएको हो । घरमै च्यापिएकी विमला बुढा, साधन बुढाको जीवितै उद्दार गरिएको छ । एनआरएन आइसीसीले अन्तर्गत सञ्चार तथा प्रकाशन अन्तर्राष्ट्रिय समिति (मिडिया टास्क फोर्स) गठन गरेको छ ।एनआरएन एआइसीसी प्रवक्ता मन केसीको संयोजकत्वमा गठित समितिमा बिभिन्न महादेशबाट १६ जना सदस्य चयन गरिएको छ । जसअनुसार मध्यपूर्वबाट ३ जना, ओसनिया क्षेत्रबाट ३ जना, अफ़्रिका तथा उत्तर अमेरिकाबाट ३ जना, युरोपबाट ६ जना, एशिया प्यासिफिक क्षेत्रबाट १ जनाको प्रतिनिधित्व रहेको छ नेपाल ब्युरो–जेठ २३, काठमाडौँ । देशका छुटछुट्टै स्थानमा भएको दुर्घटनामा परि ९ जनाको मृत्यु भएको छ । काठमाडौंको कुलेश्वरमा आज बिहान भएको सवारी दुर्घटनामा परि एक जनाको मृत्यु भएको छ । कुलेश्वरको मेट्रो हल मार्गमा बा १ ख ९४ ८८ नम्बरको पानी ट्याङकरले ठक्कर दिँदा साइकलयात्री कपिलवस्तु चैनपुर घर भएका गणेश बिकको मृत्यु भएको प्रहरीले जनाएको छ । नेपाल ब्युरो–जेठ २३, काठमाडौँ । कूटनीतिक राहदानी रातो पासपोर्ट दुरुपयोग गर्ने तीन पूर्वसभासदले कैद सजाय पाएका छन् । गायत्री साह,बिपी यादव र शिपूजन यादवलाई दोषी ठहर गर्दे काठमाडौं जिल्ला अदालतले कैद र जरिवानाको फैसला सुनाएको हो । नेपाल ब्युरो–जेठ २३, काठमाडौँ । बाँदरमुढे घटना भएको आज ९ वर्ष पुरा भएको छ । चितवनको माडीस्थित कल्याणपुर गाविसमा पर्ने बाँदरमुढे खोलामा तत्कालिन विद्रोही नेकपा माओवादीले थापेको एम्बुसमा परि ३८ जनाले ज्यान गुमाएका थिए । नेपाल ब्युरो–जेठ २३, काठमाडौ । नेपालमा जारी शान्ति प्रक्रिया र संविधान निर्माणमा चीनले चासो देखाएको छ । प्रधानमन्त्री सुशील कोइराला र चिनियाँ उपप्रधानमन्त्री वाङ याङवीच आज बिहान भएको भेटवार्ताका क्रममा चिनियाँ उपप्रधानमन्त्री याङले यस विषयमा चासो देखाएको हो । नेपाल ब्युरो –जेठ २२, काठमाडौँ । राष्ट्रपति डा. रामवरण यादवले दिगो विकासका लागि जनसङख्या व्यवस्थापन गरिनु पर्ने आवश्यकता रहेको बताउनुभएको छ । ‘विकास योजनाका लागि जनसङख्याको सञ्चार’ भन्ने नाराका साथ आजबाट राजधानीमा सुरु भएको प्रथम राष्ट्रिय जनसङख्या सम्मेलनको उद्घाटन गर्दै उहाँले यस्तो बताउनुभएको हो । नेपाल ब्युरो –जेठ २२, काठमाडौँ । उपप्रधान तथा गृहमन्त्री वामदेव गौतमले नेपालमा जलवायु परिवर्तनका कारण वातावरण प्रदुषण बढ्दै गएकोमा चिन्ता व्यक्त गर्नुभएको छ । बिश्व वातावरण दिवसको अवसरमा विज्ञान, प्रविधि तथा वातावरण मन्त्रालयले आज राजधानीमा गरेको कार्यक्रममा उहाँले वातावरण प्रदुषण न्युनिकरणका लागि सन् २०१७ सम्ममा सबैको घरमा उज्यालो र देशलाई धुवाँ मुक्त घोषणाका लागि सरकारले काम थालेको बताउनुभयो । नेपाल ब्युरो–जेठ २२, काठमाडौँ । नेकपा एमालेले नवौं महाधिवेशनको प्रचारका लागि नयाँ प्रविधिको प्रयोग गर्ने भएको छ । महाधिवेशनको प्रचार गर्न एमालेले सामाजिक सञ्जाल र सञ्चारमाध्यमको प्रयोग गर्ने भएको हो । महाधिवेशनका बेला शहरमा भित्तेलेखन गरेर सौन्दर्य नबिगार्ने एमालेले जनाएको छ । नेपाल ब्युरो –जेठ २२, काठमाडौँ । नेपाली कांग्रेसका सह महामन्त्री एवं सभासद् पूर्णबहादुर खड्काले संविधान निर्माणमा सकारात्मक प्रगती भइरहेकाले आगामी माघ–८ भित्रमा संविधान निर्माण हुने विश्वास व्यक्त गर्नुभएको छ । उहाँले संविधान निर्माणको छलफलमा पार्टीका प्रमुख एवं शीर्ष नेताहरुको नियमित उपस्थिति र कार्यतालिका अनुसार संविधानको काममा प्रगती हुदै जानु सकारात्मक पक्ष भएको बताउनुभयो । नेपाल ब्युरो–जेठ २२, काठमाडौँ । आज विश्व वातावरण दिवस, नेपालमा पनि विभिन्न कार्यक्रम गरी मनाइदै छ । यस वर्ष नेपालमा विश्व वातावरण दिवसको सन्देश हिमाल बचाऔं, वातावरण जोगाऔं भन्ने तय गरिएको छ । संयुक्त राष्ट्रसंघको आह्वानमा सन् १९७२ देखि हरेक वर्ष जुन ५ का दिन विश्व वातावरण दिवस मनाउन थालिएको हो । पृथ्वीमा प्रदुषण बढ्दा प्रकृति र मानवबीचको सम्बन्धमै ठूलो असर परिरहेको छ । मानव जातिले वातावरण बिगार्दा पृथ्वीका अरु प्राणी पनि मारमा परिरहेका छन् । नेपाल ब्युरो–जेठ २२, काठमाडोँ । एकिकत माओवादीका बरिष्ठ नेता बाबुराम भट्टराइले रकमान्तर प्रणालीको दुरुपयोग कांग्रेसले अरुबाट सिकेको भन्नु आस्चर्यजनक भएको बताउनुभएको छ । सामाजिक सञ्जालमा सक्रिय रहनुभएका भटटराइले ट्वीट गर्दै रकमान्तर प्रणालीको दुरुपयोग कांग्रेसले अरुबाट सिकेको भन्नु धुमपानको कुलत बाजेले नातिबाट सिकेको भनेर पन्छिनु जस्तै भएको टिप्पणी गर्नुभएको छ । साथै उहाँले यस्ता कुलत सबैले छोड्नुपर्ने बताउनुभएको छ । नेपाल ब्युरो–जेठ २२, काठमाडौँ । संविधानसभाको बैठकमा आज पनि राज्यको पुनर्संरचनाको विषयमा छलफल हुनेछ । बिहान ११ बजे सुरु हुने बैठकमा बोल्न बाँकी सभासदहरुले आ–आफ्नो धारणा राख्नेछन् । संविधानसभा बैठकमा सभासदहरुले सङ्घीय राज्यको निर्माण गर्दा आर्थिक, सामाजिक र सांस्कृतिक क्षेत्रलाई प्रमुखरूपमा ध्यान दिनुपर्ने सुझाव दिइरहेका छन् । अघिल्लो संविधानसभाको राज्यको पुनर्संरचना र राज्य शक्तिको बाँडफाँड समितिको प्रारम्भिक मस्यौदामा भएका सहमति वा असहमतिको निक्र्योलसम्बन्धी प्रतिवेदन र त्यससम्बन्धी पुरक प्रतिवेदनमाथि संविधानसभा छलफल भइरहेको छ । नेपाल ब्युरो–जेठ २२, काठमाडौँ । प्रधानमन्त्री सुशील कोइराला आज चीन प्रस्थान गर्नुभएको छ । ३३ सदस्यीय टोलीको नेतृत्व गर्दै कोइराला चीन जानुभएको हो । दक्षिण एसिया व्यापार मेलाको उद्घाटन समारोहमा सहभागी हुन विशिष्ट अतिथिका रुपमा उहाँ चिन जानुभएको हो । दक्षिण एसिया र दक्षिण पूर्व एसियाका नेताहरू सहभागी हुने उद्घाटन समारोहमा प्रधानमन्त्री कोइरालाले सम्बोधन गर्नुहुने परराष्ट्र मन्त्रालयले जनाएको छ । नेपाल ब्युरो –जेठ २०, काठमाडौ । भोली देखि लागु हुने गरी दैनिक दुई घण्टा लोडसेडिङ घट्ने भएको छ । साताको ७० घण्टा लोडसेडिङ हुँदै आएकोमा अव ५६ घण्टामा सिमिति गरिने नेपाल विद्युत प्राधिकरणले जनाएको छ । नदीहरुमा पानीको बहाव बढेकोले भोलीदेखि विद्युत कटौतीमा कमी गर्न लागिएको हो । नेपाल ब्युरो –जेठ २०, काठमाडौ । बेलायती विदेश राज्यमन्त्री ह्युगो स्वायरले नेपाली हवाई उड्डयन क्षेत्रलाई सुरक्षित बनाउन बेलायतले सहयोग गर्ने बताउनुभएको छ । काठमाडौंबाट पोखरा जाने क्रममा आज त्रिभुवन विमानस्थलमा संचारकर्मीहरुसंग कुरा गर्नुहुँदै स्वायरले नेपाली हवाई क्षेत्रलाई सुरक्षित बनाउन सहयोग गर्ने प्रतिबद्धता जनाउनुभएको हो । नेपाल ब्युरो –जेठ २०, काठमाडौँ । नेकपा एमालेको केन्द्रीय कमिटीको बैठकमा आज पनि महासचिव इश्वर पोखरेलको संगठनात्मक प्रतिवेदनमाथिको छलफल जारी रहनेछ । पार्टी कार्यालय बल्खुमा दिउँसो १ बजे सुरु हुने बैठकमा महासचिव पोखरेलले पेश गरेको संगठनात्मक प्रतिवेदनको बारेमा छलफल भएपछि परिमार्जन सहित पारित हुनेछ । नेपाल ब्युरो – जेठ १९, काठमाडौँ । राजदरबार हत्याकाण्ड भएको आज १३ वर्ष पूरा भएको छ । २०५८ साल जेठ १९ गते आजकै दिन भएको हत्याकाण्डमा तत्कालीन राजा विरेन्द्र, रानी ऐश्वर्या, युवराज दीपेन्द्र सहित राजपरिवारका १० सदस्यको ज्यान गएको थियो । शुक्रबारको पारिवारीक जमघटका क्रममा गोली चल्दा विरेन्द्रको वंशनास भएको थियो । नेपाल ब्युरो – जेठ १९, काठमाडौँ । एकीकृत नेकपा माओवादीले आज नेताहरुको कार्यविभाजन गर्ने भएको छ । हिजो बस्ने तय गरिएको केन्द्रीय कमिटी बैठक अन्तिम समयमा स्थगित गरिएकाले आजको बैठकले कार्यविभाजन गर्ने एमाओवादी प्रवक्ता दीनानाथ शर्माले जानकारी दिनुभयो । अस्तिको बैठकमा पेस भएको कार्ययोजा प्रस्ताव अनुसार छलफल भएर कार्यविभाजन हुने उहाँले बताउनुभयो । नेपाल ब्युरो – जेठ १९, काठमाडौँ । नेकपा एमालेको नवौं महाधिवेशनमा एक हजार ९ सय प्रतिनिधिले भाग लिने भएका छन् । महाधिवेशन मूल व्यवस्थापन समितिले केन्द्रीय कार्यालय मदननगर बल्खुमा पत्रकार सम्मेलन गरि महाधिवेशनमा भाग लिने प्रतिनिधिमा केन्द्रीय समिति, सल्लाहकार, जेष्ठ कम्युनिस्ट मन्च लगायत केन्द्रबाट करीव ३ सय जना स्वतः प्रतिनिधी हुने जानकारी दिएको हो । नेपाल ब्युरो – जेठ १९, काठमाडौँ । संविधान निर्माणका क्रममा तत्कालीन संविधानसभामा देखिएको विवाद समाधान गर्न संविधानसभाको समितिले पहल सुरु गरेको छ । संविधानसभाको संवैधानिक राजनीतिक सम्वाद तथा सहमति समितिको आजको बैठकमा संविधानसभामा छलफल भएर आएका तत्कालिन संविधानसभाका समितिका विवादित विषयलाई मिलाउन छलफल हुँदैछ । नेपाल ब्युरो – जेठ १९, काठमाडौँ । लगातार व्यवस्थापिका–संसद्को बैठक गरिरहेका प्रमुख प्रतिपक्षी दल र सरकारबीच सदन सुचारु गर्ने विषयमा आज पनि छलफल हुँदै छ । यसअघि हिजो भएको छलफलमा सहमति हुन नसकेपछि आज पुन छलफल गर्न लागिएको हो । नेपाली कांग्रेसका सभापति समेत रहनुभएका प्रधानमन्त्री सुशील कोइरालाको पहलमा हुने छलफलमा एकीकृत माओवादीले राखेका मागका विषयमा कुराकानी हुने कांग्रेस सहमहामन्त्री पुर्णबहादुर खड्काले जानकारी दिनुभयो । काठमाडौं । राष्ट्रपति डा. रामवरण यादवले सरकार गठनको बेला नेपाली कांग्रेस र एमाललेबीच भएको सातवुँदे सहमतिप्रति गम्भीर आपत्ति जनाएका छन् । राष्ट्रपति र उपराष्ट्रपतिलाई संसदबाट अनुमोदन गर्ने सहमतिले राष्ट्रपति संस्थाको अपमान भएको भन्दै यादवले दलहरुले आफ्नो कमजोरी ढाक्न राष्ट्राध्यक्षको टाउकोमा दोष थोपरेको टिप्पणी गरे । १७ जेठ, काठमाडौं । नेकपा एमालेको असार १९ देखि शुरु हुने नवौं महाधिवेशनका लागि माधव नेपाल पक्षले आज आफ्नो प्यानलका प्रमुख उम्मेवारको नाम घोषणा गर्न लागेको छ । अहिले केहीबेरमा प्रज्ञा भवन कमलादीमा आयोजना हुने विशेष कार्यक्रमबाट अध्यक्ष र केही प्रमुख पदमा उम्मेदवारको घोषणा हुने केन्द्रीय सदस्य योगेश भट्टराईले जानकारी दिए ।