प्रकाशित मिति:- 2014-06-26 05:52:17
नेपाल ब्युरो–असार १२,काठमाडौ ।
प्रधानमन्त्री सुशील कोइरालालाई फोक्सो क्यान्सर भएको पुष्टि भएको छ ।
अमेरिकाको न्यूयोर्कस्थित स्लोन केटरिङ क्यान्सर सेन्टरमा आज गरिएको परिक्षणले कोइरालाको फोक्सोमा देखिएको दाग क्यान्सर भएको पुष्टि गरेको हो । राष्ट्रसंघीयका लागि नेपाली स्थायी नियोगले जारी गरेको विज्ञप्तिमा कोइरालाको रेडियोथेरापी गर्नुपर्ने सुझाव चिकित्सकले दिएको उल्लेख छ ।
प्रकाशित मिति:- 2014-06-26 05:00:03
नेपाल ब्युरो–असार १२,काठमाडौ ।
सरकारले शरणार्थी नीतिको अभावमा नेपालमा शरणार्थी समस्या समाधान हुन नसकेकोमा सरोकारवालाहरुले चिन्ता व्यक्त गरेका छन् ।
शरणार्थीका अधिकार बिषयमा काठमाडौंमा आज आयोजित कार्यक्रममा उनीहरुले शरणार्थी समस्या समाधान गर्न नसकेर सरकारले लाचारीपन देखाएको आरोप लगाएका छन् । अहिले पनि भुटान लगायतका देशबाट शरणार्थी आउने क्रम जारी रहेको भन्दै उनीहरुले अझै पनि झापा र मोरङका शरणार्थी शिविरमा ३ हजारभन्दा बढी शरणार्थी रहेको बताए ।
प्रकाशित मिति:- 2014-06-26 03:53:25
नेपाल ब्युरो– असार १२ , काठमाडौँ ।
लागु पदार्थ ओसारपसार बिरुद्धको अन्तर्राष्टिय दिवस नेपालमा पनि विभिन्न कार्यक्रम गरेर मनाईदैछ ।
लागु पदार्थ प्रयोगले मान्छेको शारीर, दिमाग र सामाजिक प्रतिष्ठामा समेत असर पर्छ । तर भारतसँगको खुल्ला सिमा र युवा बेरोजगारीले नेपालमा लागुपदार्थको दुरुपयोग र कारोबार घट्न सकिरहेको छैन । लागु पदार्थको कुल कारोबार मध्ये अहिलेसम्म जम्मा १२ प्रतिशत मात्रलाई प्रहरीले पक्रन सकेको छ ।
प्रकाशित मिति:- 2014-06-26 03:46:59
नेपाल ब्युरो– असार १२, काठमाडौँ ।
माओ विचारका कम्युनिष्टहरुले संयुक्त मोर्चा बनाउने विषयमा आज छलफल गर्ने भएका छन् ।
एकीकृत नेकपा माओवादी,वैद्य नेतृत्वको नेकपा–माओवादीसहित पाँच वटा कम्युनिष्ट पार्टीबीच कार्यगत एकताका लागि छलफल हुँन लागेको हो । आज साँझ हुने छलफलमा मोर्चाको नाम र नेतृत्वको विषयमा छलफल हुने बताइएको छ ।
प्रकाशित मिति:- 2014-06-26 03:34:13
नेपाल ब्युरो– असार १२, काठमाडौँ ।
संविधान सभा अन्र्तगतको राजनीतिक संवाद तथा सहमति समितिका सभापति डाक्टर बाबुराम भटराईले भदौको अन्तिमसम्ममा प्रतिवेदन तयार हुने बताउनुभएको छ ।
आज पत्रकार सम्मेलन गरी डा भट्टराईले अहिलेसम्मको काम सन्तोषजनक रहेको भन्नुहुँदै तोकिएको समयमा संविधान बन्ने आधार तयार भएको दावी पनि गर्नुभयो । सविंधानसभाको काम अहिलेसम्म सन्तोषजनक रहेकोले माघ ८ गते भित्र संविधान बन्ने आधार तयार भएको उल्लेख गर्नुभयो ।
प्रकाशित मिति:- 2014-06-26 03:25:47
नेपाल ब्युरो– असार १२, काठमाडौँ ।
उपप्रधान तथा स्थानीय विकास मन्त्री प्रकाशमान सिंहले अदालतको अपहेलना सम्बन्धि विधेयक संसदमा दर्ता हुदैमा सञ्चार जगत आत्तिनु नपर्ने बताउनुभएको छ ।
आज काठमाडौमा आयोजित एक कार्यक्रममा बोल्नुहुँदै मन्त्री सिंहले अदालतको अपहेलना सम्बन्धि विधेयक छलफलका लागि संसदमा दर्ता भएको र छलफलमा सभासदहरुले उठाएका जिज्ञाशा र सुझावलाई समेटर अन्तिम रुप दिइने भएकाले पत्रकारहरु आत्तिनु नपर्ने बताउनुभएको हो ।
प्रकाशित मिति:- 2014-06-26 03:09:53
नेपाल ब्युरो – असार १२, काठमाडौँ ।
संविधानसभाको आजको बैठकमा पनि तत्कालिन सांस्कृतिक र सामाजिक ऐक्यवद्धताको आधार निर्धारण समितिको प्रतिवेदनमा रहेका सहमतिका बारेमा सभासदहरुले आ–आफ्नो धारणा राख्दैछन् ।
सविंधानसभा भवन नयाँ बानेश्वरमा जारी वैठकमा अल्पसंख्यक तथा सीमान्तकृत समुदायको हक अधिकार संरक्षण समितिको प्रतिवेदनमा उल्लिखित विषयमध्ये सहमतिका विषयहरुको निक्र्यौल सम्बन्धी प्रतिवेदनमा आज पनि सभासदहरुले आ आफ्नो धारणा राखिरहेकाछन् ।
प्रकाशित मिति:- 2014-06-25 07:53:55
नेपाल ब्युरो–असार ११,काठमाडौ ।
प्रमुख दलका सभासदहरुले केन्द्रमा दुई तथा प्रदेशमा एक सदनात्मक व्यवस्थापिका हुनुपर्नेमा जोड दिएका छन् ।
संविधानसभाको आजको बैठकमा व्यवस्थापिका–संसद्को स्वरुपका विषयमाथिको छलफलमा भाग लिदै नेपाली काँग्रेसका सभासद मानबहादुर बिश्वकर्माले व्यवस्थापिका दुई सदनात्मक हुनुपर्ने भन्दै समानुपातिक प्रतिनिधित्वका विषयमा सुधार गर्नुपर्ने उल्लेख गर्नुभयो ।
प्रकाशित मिति:- 2014-06-25 06:35:10
नेपाल ब्युरो–असार ११,काठमाडौ ।
नेपाल पर्यटन बोर्डका कायममुकायम कार्यकारी प्रमुख सुवास निरौलाले आजदेखि कार्यभार सम्हाल्नुभएको छ ।
अख्तियार दुरुपयोग अनुसन्धान आयोगको निर्देशनपछि कार्यकारी निर्देशक निरौलाले कार्यालय पुगेर कार्यभार सम्हाल्नुभएको हो । कार्यालय प्रवेश गर्ने क्रममा सञ्चारकर्मीहरुसंग कुरा गर्नुहुँदै उहाँले पर्यटन प्रवद्र्धनकै लागि बोर्ड स्थापना भएको भन्दै व्यवसायीसँग सहकार्य गरेर अघि बढ्ने बताउनुभयो ।
प्रकाशित मिति:- 2014-06-25 04:51:43
नेपाल ब्युरो–असार ११,काठमाडौ ।
एकीकृत नेकपा माओवादीका नेता बाबुराम भट्टराईले पार्टी भित्रको अन्तरद्धन्द समयमै व्यवस्थापन गर्नुपर्नेमा जोड दिनुभएको छ ।
जनकपुरमा आज सञ्चारकर्मीहरुसँग कुरा गर्दै नेता भट्टराइले पार्टीभित्रको अन्तरद्धन्द समयमै व्यवस्थापन गर्न नसके कार्यकर्ताहरुको पार्टी प्रतिको आकर्षण घट्दै जाने बताउनुभयो ।
प्रकाशित मिति:- 2014-06-25 04:36:31
नेपाल ब्युरो– असार ११, काठमाडौँ ।
गृहमन्त्री बामदेब गौतमले बिधेयकको विरोध गर्नेहरु निरकुंस भएको टिप्पणी गर्नुभएको छ ।
सरकारले संसदमा पेश गरेको अदालतको अपहेलना सम्वन्धि विधेयकको चौतर्फी विरोध भईरहेको समयमा कार्यबाहक प्रधानमन्त्री समेत रहनुभएका गौतमले यस्तो बताउनुभएको हो ।
प्रकाशित मिति:- 2014-06-25 04:26:32
नेपाल ब्युरो–असार ११, काठमाडौँ ।
नेकपा एमालेको नवौँ राष्ट्रिय महाधिवेशनका लागि आज देशभरका प्रतिनिधिहरुको अन्तिम टुँगो लाग्दैछ ।
हिजो सबै जिल्लामा प्रतिनिधि चयनको काम सकिएको र आज सम्पर्क मन्चहरुबाट प्रतिनिधि छानिएपछि चयन गर्ने काम सकिने एमालेले जनाएको छ । भूगोलका कमिटीमा भएको निर्वाचनको परिणाम आउनेक्रम अझै जारी रहेको छ ।
प्रकाशित मिति:- 2014-06-25 03:51:38
नेपाल ब्युरो–असार ११, काठमाडौँ ।
बैतडीको सित्तढ गाविस ४ मा जिप दुर्घटना हुँदा २ जनाको मृत्यु भएको छ ।
दार्चुलाको गोकुलेश्वरबाट बैतडीका लागि छुटेको हेलो नेपालको बा ७ प २८५० नम्बरको जिप पञ्ज्यू भन्ने स्थानमा सडकबाट एक सय ५० मिटल तल नदीमा खस्दा इन्जिनियर अतुल केसी र नाम नखुलेका एक जनाको मृत्यु भएको हो ।
प्रकाशित मिति:- 2014-06-25 03:41:19
नेपाल ब्युरो–असार ११, काठमाडौँ।
नेपाल वायु सेवा निगमले चीनबाट अनुदानमा ल्याएको एमएम ६० जहाजको आजबाट व्यावसायिक उडान सुरु गर्ने भएको छ ।
नेपाल नागरिक उड्डयन प्राधिकरणसँग उडान अनुमतिपत्र लिन लामो समय लागेका कारण असारको सुरुबाटै उडान सुरु गर्ने जनाइए पनि प्रक्रिया पूरा गर्न केही समय लागेको थियो ।
प्रकाशित मिति:- 2014-06-25 03:14:23
नेपाल ब्युरो–असार ११, काठमाडौ ।
उपप्रधान एवम् संघीय मामिला तथा स्थानीय विकास मन्त्री प्रकाशमान सिंहले राजनीतिक संक्रमणकालको अन्त्य गर्न नसके मुलुक संकटमा फस्ने चेतावनी दिनुभएको छ ।
पाल्पाको तानसेनमा आज आयोजित एक कार्यक्रममा बोलनुहँदै उहाँले राजनीतिक संकट अन्त्य गरी मुलुकलाई समृद्धिको बोटमा लैजान सबै दल मिलेर अघि बढ्नुको विकल्प नरहेको बताउनुभयो ।
प्रकाशित मिति:- 2014-06-25 02:56:42
नेपाल ब्युरो–असार ११, काठमाडौँ ।
संविधानसभाको आजको बैठकमा व्यवस्थापिकाको स्वरूपबारे थप छलफल भईरहेको छ ।
बैठकमा भाग लिदै सभासदहरुले तीन तहको व्यवस्थापिकाको अवधारणा र केन्द्रमा दुईवटा सदनको व्यवस्था गर्नुपर्ने विषयमा धारणा राखिरहेका छन् ।
प्रकाशित मिति:- 2014-06-24 08:40:53
नेपाल ब्युरो– असार १०, सुर्खेत ।
सुर्खेतको छिन्चु–६ पाँडुलेमा माइक्रोबस दुर्घटना हुँदा एक बालिकासहित ४ जनाको मृत्यु भएको छ भने २० जना घाइते भएका छन् ।
सुर्खेतको बाटेचौरबाट वीरेन्द्ररनगरतर्फ जाँदै गरेको वा २ ख ६१९२ नम्बरको बस सडकबाट डेढ सय मिटर तल खसेको प्रहरीले जनाएको छ ।
प्रकाशित मिति:- 2014-06-24 06:47:15
नेपाल ब्युरो–असार १०,काठमाडौ ।
उपप्रधान तथा स्थानीय विकास मन्त्री प्रकाशमान सिंहले सरकारको विरोध गर्नेहरुले आफ्नो जिम्मेवारी भुल्न नहुने बताउनुभएको छ ।
काठमाडौमा आज विहान आयोजित एक कार्यक्रममा बोल्नुहुँदै उहाँले लोकतन्त्रमा सरकारको आलोचना वा विरोध गर्न छुट रहेको यद्यपी विरोध गर्ने दल, नेता वा व्यक्तिले आफ्नो जिम्मेवारी भुल्न नहुने बताउनुभयो ।
प्रकाशित मिति:- 2014-06-24 03:19:23
नेपाल ब्युरो–असार १०,काठमाडौ ।
संविधानसभामा संसदको स्वरुपका विषयमा छलफल सुरु भएको छ ।
शासकीय स्वरुपका विषयमा छलफल सकिएपछि हिजोबाट नयाँ विषयले प्रवेश पाएको छ । तत्कालिन व्यवस्थापकीय अङ्गको स्वरुप निर्धारण समितिको प्रतिवेदनमा उल्लिखित सहमति र असहमतिका विषयका निक्र्योलसम्बन्धी प्रतिवेदन, २०७१ माथि एकीकृत रुपमा संविधानसभामा सभासदहरुले भनाई राखिरहेका छन् ।
प्रकाशित मिति:- 2014-06-23 10:07:01
सोलुखुम्बु,नेपाल ।
सोलुखुम्बु ।८५ बर्षको उमेरमा एसएलसी उत्तीर्ण गरेर राष्ट्रिय चर्चा कमाएका ९९ बर्षको उमेरमा सोमबार विहान वहाको निधन भएको हो । वास्तविक नाम बलबहादुर कार्की रहेका राइटर बाजेले २०५७ सालमा एसएलसी उत्तीर्ण गरेका थिए
प्रकाशित मिति:- 2014-06-23 07:37:28
नेपाल ब्युरो– असार ९, काठमाडौँ ।
त्रिभुवन विमानस्थल प्रहरीले २० हजार अमेरिकी डलर सहित एक जना साउदी नागरिकलाई पक्राउ गरेको छ ।
साउदी अरवका अल हारथी मोहमद खालिद पक्राउ परेका हुन । एल ३३३४७० नम्बरको राहदानी बोकेका उनलाई डोमेस्टिक क्षेत्रमा पक्राउ गरिएको प्रहरीले जनाएको छ ।
प्रकाशित मिति:- 2014-06-23 04:49:18
नेपाल ब्युरो–असार ९, काठमाडौँ ।
ललितपुर जिल्ला मुलुककै पहिलो पूर्ण साक्षर जिल्ला भएको घोषणा भएको छ ।
जिल्ला शिक्षा कार्यालयले आज विहान गरेको विशेष कार्यक्रममा शिक्षामन्त्री चित्रलेखा यादवले ललितपुरलाई पूर्ण साक्षर जिल्ला घोषणा गर्नुभएको हो ।
प्रकाशित मिति:- 2014-06-23 01:38:30
संविधानसभाको उपनिर्वाचनअन्तर्गत काठमाडौं क्षेत्र नम्बर २ मा नेपाली कांग्रेसका दिपक प्रसाद कुइँकेल विजयी भएका छन्। उनी १४ हजार १ सय ६६ मत ल्याएर विजयी भएका हुन्। उनका निकट्तम प्रतिद्वन्द्वी नेकपा एमालेका कृष्णगोपाल श्रेष्ठले १० हजार १ सय १७ मत पाए। त्यस्तै एमाओवादीका लीलामणि पोखरेलले ३ हजार ५ सय ५६ मत पाए।
प्रकाशित मिति:- 2014-06-22 19:24:15
चितवन/कैलाली, असार ९ - आइतबार भएको उप निर्वाचनमा चितवन क्षेत्र नम्बर ४ मा कांग्रेस उम्मेदवार रामकृष्ण घिमिरे विजयी भएका छन् । घिमिरेले २० हजार तीनसय १८ मत पाएको निर्वाचन आयोगले जनाएको छ । निकटतम प्रतिद्वन्द्वी एमाले उम्मेदवार पावर्त रावलले १७ हजार २ सय ७२ मत पाइन् । यसअघि भएको निर्वाचनमा उनी तेस्रो स्थानमा थिइन् ।
प्रकाशित मिति:- 2014-06-21 22:25:59
संविधानसभा सदस्यका लागि चारवटा निर्वाचन क्षेत्रमा आइतबार मतदान शुरु भएको छ।काठमाडौं २, चितवन ४, बर्दिया १ र कैलालीको ६ निर्वाचन क्षेत्रमा आइतबार बिहान सात बजेबाट मतदान सुरु भएको हो।मतदान बेलुका पाँच बजेसम्म जारी रहने छ।