नेपाल ब्युरो–भदौ ३, काठमाण्डौ । नेपालबाट भ्रष्टचारलाई निर्मुल पार्ने प्रधानमन्त्री सुशील कोइरालाले बताउनु भएको छ । सार्वजनिक खरीद अनुगमन कार्यालय स्थापनाको ८ औं वर्ष प्रबेशको अवसरमा प्रधानमन्त्री निवास बालुवाटारमा आयोजित कार्यक्रममा बोल्नुहुँदै प्रधानमन्त्री कोइरालाले भ्रष्टाचार रहित समाज निर्माणका लागि भ्रष्ट मानसिकताबाट मुक्त हुनुपर्ने जिकीर गर्नुभयो । नेपाल ब्युरो– भदौ ३, काठमाडौ । भुगोल र जनसंख्या दुवैको आधारमा संघीय प्रदेश निर्माण गर्ने सहमति भएको छ । सिंहदरबारमा आज विहान बसेको समिति बैठकमा यस्तो सहमति भएको हो । नेपाल ब्युरो– भदौ ३, काठमाडौ । यातायात दुरुपयो अनुसन्धान आयागले यातायात व्यवस्था विभागका १६ जना विरुद्ध भ्रष्टाचारको मुद्धा दायर गरेका छन् । आयोगले सवारी चालक अनुमति पत्र कार्यालय बाग्मतीका पूर्व निमित्त प्रमुख रामदत्त भट्ट र सात बिचौलिया सहित १६ जनाविरुद्ध विशेष अदालतमा भ्रष्टाचारको मुद्दा दायर गरेको हो । नेपाल ब्युरो– भदौ ३, काठमाडौ । देशमा आएको बाढिपहिरोबाट ५ दिनयता देशभर ज्यान गुमाउनेको संख्या १ सय पुगेको छ । गृह मन्त्रालयका अनुसार १ सय ३६ जना अझै पनि बेपत्ता छन् । नेपाल ब्युरो– भदौ ३, काठमाण्डौ । नेपालि कांग्रेसको पदाधिकारी बैठक आज बस्दै छ । सरकारको मूल्यांकन र सरकारले गरेका कामको समीक्षा गर्न सत्तारुढ दल नेपाली कांग्रेसको पदाधिकारी बैठक अहिले बसिरहेको छ । नेपाल ब्युरो– भदौ ३, काठमाडौ । सरकारले एक साताका लागी संसद नै स्थगीत गरेर देशमा बाढीपहिरो पिडितहरुको उद्धार कार्यमा विशेष सक्रियता देखाउँने भएको छ । संसद समेत स्थगन गरेर सभासदहरु जिल्ला जाने भएपछि सरकाले आजदेखि दुत्र गतिमा उद्धारको काम थाल्ने बताएको छ । काठमाडौं, १ भदौ ‘तामाङ मिडिया अवार्ड–२०७१’बाट पत्रकारद्वय जीवन लामा र रोजिना दोङ सम्मानित भएका छन् । तामाङ सञ्चार समूहले २०औँ तामाङ प्रसारण दिवसको अवसरमा आयोजित कार्यक्रममा उनीहरुलाई सम्मानित गरिएको हो । नेपाल ब्युरो–भदौ २, काठमाडौ । देशमा आएको बाढीपहिरोबाट भएको क्षतिप्रति सरकार गम्भिर नभएको भन्दै प्रतिपक्षी दलहरुले एक साताका लागी आजको संसद बैठक स्थगीत गराएका छन् । सरकारको आलोचना गर्दै प्रमुख प्रतिपक्षी दल एकिकृत माओवादीसहितका दलहरुले राष्ट्रिय विपतको घोषणा गर्न माग गर्दै संसद बैठक अवरुद्ध पारेका हुन्। नेपाल ब्युरो– भदौ २, काठमाडौ । नेपाली कांग्रेसले हिजोबाट सुरु गरेको विचार पदयात्रा आज पनि जारी छ । पार्टीका संस्थापक नेता विपी कोइरालाको जन्मशताब्दीको अवसरमा हिजोदेखि सो पदयात्रा सुरु भएको हो । नेपाल ब्युरो – भदौ २, काठमाडौ । बाढीपहिरोबाट प्रभावितहरुलाई राहत र उद्धार कार्यमा डिलासुस्ती नगर्न प्रधानमन्त्री सुशील काइरालाले निर्देशन दिनुभएको छ । उहाँले आज एक विज्ञप्ती जारी गर्दे बाढिपहिरो पीडितहरुको उद्धार, राहत वितरण र पुनस्थापनामा नेपाली सेना, नेपाल प्रहरी,सशस्त्रप्रहरी, केन्द्रदेखि स्थानीय प्रशासनको समग्र शक्ति लगाइरहेको जनाउनुभएको छ । नेपाल ब्युरो– भदौ २, चितवन । खाल्डोमा जमेको पानिमा डुबेर एक महिलाको ज्यान गएको छ । चितवनको चित्रवन नगरपालिकामा बाढीले सडक कटान गरी बनाएको खाल्डोमा परी चित्रवन नगरपालिका–९ बस्ने ३६ वर्र्षीय लक्ष्मीचन्द्रा ठकुरीको ज्यान गएको चितवन जिल्ला प्रहरी कार्यलयले जनाएको छ । नेपाल ब्युरो– भदौ १, काठमाडौँ । बाढीपहिरो पीडितहरुको तत्काल उद्धार र राहत वितरण कार्यमा सरकारका तर्फबाट ढिलाई भएको उपप्रधान तथा गृहमन्त्री बामदेव गौतमले स्वीकार गर्नुभएको छ । नेपालगञ्जको स्थलगत निरीक्षण गर्न पुग्नुभएका गृहमन्त्री गौतमले स्रोतसाधनको कमीले ढिलाई भएको बताउँनुभयो । सबैतिर एकैपटक बिपत्ति परेको हुँदा समयमै उद्धार गर्न कठिनाई भएको उहाँले बताउनुभयो । नेपाल ब्युरो– भदौ १, काठमाडौँ । सरकारले आगामी मंसिरमा आयोजना हुने सार्क शिखर सम्मेलनको तयारी तिव्र पारेको छ । सम्मेलन मङसिर १० र ११ गते काठमाडौमा हुदैछ । नेपाल ब्युरो– भदौ १, काठमाडौँ । पछिल्लो समयमा देशका विभिन्न भागमा आएको बाढी पहिरोमा परि ८५ जनाको ज्यान गएको पुष्टि भएको छ । बाढीपहिरोमा परि १ सय १३ जना बेपत्ता भएका छन् भने ५४ जना घाइते भएको गृह मन्त्रालयले जनाएको छ । बाढी पहिरोले ४ सय २९ घरमा क्षति पु¥याएको छ भने ५ हजार २ सय २० घर डुबानमा परेका छन् । नेपाल ब्युरो– भदौ १, काठमाडौँ । हिन्दु धर्मालम्बीहरुले आज श्रीकृष्ण जन्माष्टमी भगवान श्रीकृष्णको श्रद्धापुर्वक पुजा आरधना गरी मनाइरहेका छन् । ज्ञानयोग, कर्मयोग र भक्तियोगका प्रणेता भगवान श्रीकृष्णको जन्म द्वापर युगमा भाद्र कृष्णाष्टमीको मध्यरातमा भएकाले आजको दिनलाई श्रीकृष्ण जन्माष्टमी र रातलाई ‘मोहरात्री’ भनिन्छ । नेपाल ब्युरो– भदौ १, काठमाडौँ । नेपाली पुस्तालाई कांग्रेसको सिद्धान्त र जिम्मेवारीवोध गराउन नेपाली कांग्रेसको विचार यात्रा आजदेखि सुरु हुने भएको छ । बिपी विचार पदयात्राको माध्यमबाट नयाँ पुस्तालाई काँग्रेसको सिद्धान्तका साथै राष्ट्र र जनताका लागि निर्वाह गर्नुपर्ने जिम्मेवारीतर्फ जानकारी गराउन यात्रा सुरु गर्न लागेको कांग्रेसले जनाएको छ । तामाङ सन्चारकर्मीले आज २०औं तामाङ प्रसारण दिवस मनाईरहेका छन ।सरकारद्वारा संचालित रेडियो नेपालमा पहिलो पटक तामाङ भाषामा समाचार प्रसारण भएको दिनलाई तामाङ प्रसारण दिवशको रुपमा मनाउदै आएका छन। दिवसको अवसरमा तामाङ सञ्चारकर्मीहरुको संस्था तामाङ सञ्चार समूहको केन्द्रीय समिति र जिल्ला शाखाहरुले विभिन्न कार्यक्रम आयोजना गरेका छन । नेपालगन्ज : अविरल वर्षा, डुबान र बाढीको कहरमा ज्यान र धनमाल गुमाउनेको संख्या बढ्दै जाँदा मुलुकका विभिन्न भागमा कोलाहलको स्थिति उत्पन्न भए पनि राहत र उद्धारमा सरकारले अधिकारसम्पन्न उचित समन्वयात्मक संयन्त्र खडा गरी परिचालन गर्न तदारुकता देखाउन सकेको छैन। सरकारी उदासीनताका कारण पीडित भने त्रासदीमा छन्। बाढीपहिरोको ताण्डवको तेस्रो दिन पुग्दा मध्यपश्‍चिममा मात्र ७१ जनाको मृत्यु भएको छ। नेपाल ब्युरो–साउन ३१, काठमाडौँ । काठमाडौंको भीमढुगामा प्रहरीसँगको मुठभेडमा मारिएका चरी डन भनेर चिनिने दिनेश अधिकारीको शवको आज १० दिनपछि पोष्टमार्टम भएको छ । चरीको मृत्यु भएको १० दिनपछि पोष्टमार्टम भएको हो । तर, परिवारले उनको हत्या भएको भन्दै दोषीमाथि कारवाही नभएसम्म शव नबुझ्ने अडान दोर्होयाएका छन् । बाग्लुंग जिल्लाको गल्कोटबाट जापान आएर विभिन्न पेसा, ब्यबसाय गर्दै आएका गल्कोटेहरुको सस्था गल्कोट समाज जापानले नागोयामा भेला सम्पन्न गरेको छ । नागोयामा हिजो सम्पन्न भेलाले हर्क थापाको अध्यक्षतामा तेस्रो कार्यकालको लागि २९ सदस्यीय केन्द्रिय समितिको चयन गरेको छ । काठमाडौं, ३० साउन तीन दिनदेखि परिरहेको अविरल वर्षाका कारण बाँके, बर्दिया र कैलालीका अधिकांश बस्ती डुबानमा परेका छन् । हजारौं मानिस विस्तापित भएका छन् । बाँकेमा लक्ष्मणपुर बाँधका कारण अधिकांश गाविसहरु डुवानमा परेका छन्, भने कैलालीमा कैलाशपुरधाम बाँधका कारण अधिकांश बस्ती डुबानमा परेका छन् । काठमाडौं २९,साउन दुई दिनदेखि देशभर लगातार परेको अविरल बर्षाका कारण आएको बाढी तथा पहिरोमा परी १७ जनाको मृत्यु भएको छ।यसका साथै ठूलो जनधनको क्षति भएको गृहमन्त्रालयले जानकारी दिएको छ । नेकपा एमालेमा देखिएको गुटगत विवादले विधान पारित हुने सम्भावना कम देखिएको छ । जारी केन्द्रीय कमिटीको बैठकमा पोलिटब्युरो सदस्य बन्नका लागि नवौ महाधिवेसनबाट पारित भएको विषयमा विवाद बढेपछि विधान पारित हुने सम्भावना कम देखिएको हो । पदाधिकारी बैठकबाट केन्द्रीय कमिटीमा ल्याइएको प्रस्ताव फेरि पदाधिकारीमै फर्काइने गरि विवाद बढेको एक सदस्यले जानकारी दिए । बिहीबारको केन्द्रीय कमिटी बैठकमा बोल्ने झण्डै ३ दर्जन सदस्यहरु महाधिवेसनको सुझावसहित विधान पारित गर्ने वा महाधिवेसनको हलले दिएको म्यान्डेटलाई हटाएर पारित गर्नुपर्नेमा नेताहरु दुईभागमा बाँडिएका हुन् । काठमाडौँ, साउन २७ । सगरमाथा हिम पहिरोमा परि मृत्यु भएका १६ जनाका आफन्तलाई आज शेर्पा गुम्बा बौद्धमा एक विशेष कार्यक्रमका साथमा सहयोग रकम हस्तान्तरण गरेको छ । शेर्पा गुम्बाको पहलमा यु.एस.ए शेर्पा किदुक अमेरिकाले सो सहयोग रकम मृतको आफन्तलाई दिनका लागि पठाएको हो । प्रत्येक मृतका आफन्तलाई ९१ हजार सहयोग प्रदान गरेको छ । शेर्पा गुम्बामा जारी रहेको प्रबचन कार्यक्रममा खेम्पो ङवाङ लुडुपद्धारा सो सहयोग प्रदान गरेको थियो । काठमाडौं : राष्ट्रिय प्रजातन्त्र पार्टी नेपालले मंगलबार व्यवस्थापिका संसद् बैठकमा १० मिनेट नाराबाजी गरेको छ। रोष्ट्रम प्रयोग गरेर बोलिरहेका राप्रपा नेपालका अध्यक्ष कमल थापालाई सभामुख सुवाषचन्द्र नेम्वाङले बोल्न नदिएको भन्दै राप्रपा नेपालका सभासद्ले नाराबाजी गरेका हुन्।