प्रकाशित मिति:- 2014-05-19 22:39:52
नेपाल व्युरो–जेठ ६,काठमाण्डौं ।
एउटै परिचयपत्रमा व्यक्तिको सबै परिचय समावेश भएको स्मार्ट परिचयपत्रको बोलपत्र रद्ध भएको छ ।
गृहमन्त्रालयको राष्ट्रिय परिचयपत्र व्यवस्थापन केन्द्रले एशियाली विकासको मागअनुसार बोलपत्र रद्द गरेको हो ।
परिचयपत्र निर्माणमा आर्थिक सहयोग गरेको एडीबीले बोलपत्र नै रद्द गर्न दवाव दिएपछि केन्द्रले हालसम्म भएको प्रकृयालाई रद्द गरेको हो ।
प्रकाशित मिति:- 2014-05-19 22:33:38
नेपाल व्युरो–जेठ ६,काठमाण्डौं ।
नेपाली राहदानी बङगलादेशमा लगेर विक्री गर्ने नेपाली गिरोहलाई नेपाल प्रहरी केन्द्रिय अनुसन्धान ब्युरोले पक्राउ गरी सार्वजनिक गरेको छ ।
ब्युरोले सोमबार पत्रकार सम्मेलन गरी वैदेशिक रोजगारीमा संलग्न संस्थाको आडमा १४ थान नेपाली राहदानी बिक्री गर्ने खोटाङ दिक्तेलका ४७ वर्षीय कुमार पुरी र सङखुवासभाका ४३ वर्षीय पूर्णबहादुर मगरलाई पक्राउ गरेको तथा अर्का अभियुक्त देवीप्रसाद काङ्खले भने फरार रहेको जनाएको छ ।
प्रकाशित मिति:- 2014-05-19 07:52:13
नेपाल ब्युरो–जेठ ५, काठमाडौ ।
सामान्य प्रशासन मन्त्री लालबाबु पण्डितले डिभी र पीआरमुक्त प्रशासन बनाई छाड्ने प्रतिबद्धता जनाउनुभएको छ ।
भक्तपुरमा आज आयोजित कार्यक्रममा बोल्नुहुँदै मन्त्री पण्डितले कसैको हस्तक्षेप र धम्की आए पनि जुनसुकै हालतमा प्रशासनलाई डीभी र पीआरमुक्त गराएरै छोड्ने बताउनुभएको हो ।
प्रकाशित मिति:- 2014-05-19 06:44:41
नेपाल ब्युरो–जेठ ५, सोलुखुम्बु ।
सीमा प्रशासन कार्यालय सोलुखुम्बु नाम्चेले गृह मन्त्रालयको निर्णयअनुसार हिउँ पहिरोमा परी मृत्यु भएका सातजनाको परिवारलाई क्षतिपुर्ति वितरण गरेको छ ।
गएको वैशाख ५ गते हिउँ पहिरोमा परी मृत्यु भएका सातजनाको परिवारलाई क्षतिपूर्ति वितरण गरेको हो ।
प्रकाशित मिति:- 2014-05-19 04:46:29
नेपाल ब्युरो–जेठ ५,काठमाण्डौ ।
एकीकृत नेकपा माओवादीका नेता डा. बाबुराम भट्टराईले मुलुक भ्रष्टाचारको जालोभित्र फसेको भन्दै यसलाई समयमै निर्मूल गर्न नसके भयावह रुप लिने चेतावनी दिनुभएको छ ।
पर्यटन व्यवसायीको आन्दोलनमा ऐक्यवद्धव जनाउन आज भृकुटीमण्डपमा पुग्नुभएका भट्टराईले नेपाललाई भ्रष्टाचारजन्य क्यान्सरले सताएको भन्दै यसलाई समयमै निर्मूल गर्न नसके भयावह रुप लिने चेतावनी दिनुभएको हो ।
प्रकाशित मिति:- 2014-05-19 04:35:00
नेपाल ब्युरो–जेठ ५,काठमाण्डौ ।
नेता बाबुराम भट्टराईले राखेको सात बुँदे माग र पदीय विभाजनका विषयमा छलफल गर्न एकीकृत माओवादी केन्द्रीय समितिको बैठक आज बस्दैछ ।
माओवादी अध्यक्ष पुष्पकमल दाहालको निवास लाजिम्पाटमा आज बिहन भएको वार्तामा ५ सदस्सीय केन्द्रिय पदाधिकारी राख्ने तथा स्थायी तथा पोलिटव्युरो मध्य एक मात्र निकाय राख्ने सहमती भएको बताईएको छ ।
प्रकाशित मिति:- 2014-05-19 04:07:27
नेपाल ब्युरो–जेठ ५,काठमाण्डौ ।
संविधानसभा बाहिर रहेका दलहरुलाई संविधान लेखन प्रक्रियामा ल्याउन संवैधानिक राजनीतिक संवाद तथा सहमति समितीले उपसमिति गठन गरेको छ ।
सिंहदरबारमा आज बिहान बसेको समीति वैठले समिति सदस्य पुर्णबहादुर खण्डकको संयोजकत्वमा नौ सदस्य उपसमिति गठन गरेको हो । उपसमितिलाई संविधानसभा बाहिर रहेका दलहरुलाई औपचारीक तथा अनौपचारीक वार्ता गर्दै संविधान लेखन प्रक्रियामा सहभागि गराउने खाका तयार पार्न १५ दिनको समय दिईएको छ ।
प्रकाशित मिति:- 2014-05-19 04:01:00
नेपाल ब्युरो–जेठ ५,काठमाण्डौ ।
संविधानसभाका अन्र्तबस्तुमा छलफल गर्न संविधानसभाको बैठक आज पनि बस्दैछ ।
संविधानसभाको आजको बैठकमा राज्यको पुनःसंरचना र राज्य शक्तिको बाँडफाँड समितिको प्रारम्भिक मस्यौदामा भएका सहमति वा असहमतिका विषयमा छलफल हुनेछ । ती प्रवेदन हिजो संविधान अध्यन तथा निक्र्योल समितिले संविधानसभामा पेस गरेको हो ।
प्रकाशित मिति:- 2014-05-19 03:44:26
नेपाल ब्युरो–जेठ ५,काठमाण्डौ ।
डोटीको दिपायल सिलगढी नगरपालिका वडा न ११ तिखामा हिजो बेलुकी भएको ट्रयाक्टर दुर्घटनामा २ जनाको मृत्यु भएको छ भने ६ जना घाईते भएका छन् ।
ईलाका प्रहरी कार्यालय दिपायलले दिएको जनाकारी अनुसार क्षेत्रीय सदरमुकाम दिपायलबाट मौवातर्फ जाँदै गरेको भे १ त ४०६६ नम्बरको ट्रयाक्टर दुर्घटना भएको हो ।
प्रकाशित मिति:- 2014-05-19 02:58:47
नेपाल ब्युरो–जेठ ५,काठमाण्डौ ।
दुग्ध विकास संस्थान (डिडिसी) ले दुधको मूल्य सुटुक्क बढाएको छ ।
१ जेठबाट संस्थानले हरियो प्याकेटको दुधको मूल्यमा २ रुपैयाँ वृद्धि गरी प्रति लिटर ७० रुपैयाँमा बिक्री गरिरहेको हो । संस्थानले गाईको शुद्ध दुध (काऊ मिल्क) को भाऊ समेत बढाएको छ । संस्थान प्रवक्ता गिरिधर बज्राचार्यका अनुसार काऊ मिल्कको भाऊ प्रतिलिटर चार रुपैयाँ वृद्धि गरी ६४ रुपैयाँ पुर्याइएको छ ।
प्रकाशित मिति:- 2014-05-18 07:42:34
नेपाल ब्युरो–जेठ ४, काठमाण्डौं ।
युक्रेनमा राष्ट्रपति निर्वाचनका क्रममा २० लाख मतदाता जोखिममा परेको अन्तराष्ट्रिय सञ्चार माध्यमहरुले जनाएका छन् ।
राष्ट्रपति पदको निर्वाचनका समयमा मुलुकको पूर्वी भागमा विद्रोहीको क्षेत्रमा सुरक्षा व्यवस्था गर्न सरकार असफल भए करिब २० लाख जनतालाई मतदान गर्न नदिन सकिने चेतावनी निर्वाचन निकायले दिएको छ । केन्द्रीय निर्वाचन आयोगले पूर्वी दोनेत्स्क तथा लुगान्स्क क्षेत्रमा मे २५ मा निर्वाचन गराउन असम्भव हुने जानकारी दिएको छ । यहाँ रसिया समर्थक विद्रोहीले किभको शासनविरुद्ध सङ्घर्ष गरिरहेका छन् र आफ्नै स्वतन्त्र गणतन्त्रको घोषणा गरेका छन् ।
प्रकाशित मिति:- 2014-05-18 07:09:31
नेपाल ब्युरो–जेठ ४, काठमाडौ ।
नेपाल र भुटानबीच सातामा २१ उडान भर्ने सम्झौता भएको छ ।
भुटानको राजधानी थिम्पुमा हिजो उडान सम्बन्धी सम्झौतामा हस्ताक्षर भएको हो । यस सम्झौताबाट दुई देशबीच दैनिक तीन उडान भर्न सकिने छ । सन् २००४ मा भएको सम्झौतालाई पुनरावलोकन गरी नयाँ व्यवस्था गरिएको हो ।
प्रकाशित मिति:- 2014-05-18 06:57:47
नेपाल ब्युरो–जेठ ४ काठमाडौ ।
राष्ट्रिय प्रजातन्त्रपार्टी नेपालका अध्यक्ष कमल थापाले अब बन्ने संविधान जनताको साझा दस्तावेज बन्नुपर्ने बताउनु भएको छ ।
राप्रपा नेपाले आजदेखि राजधानीमा सुरु गरेको घरदैलो कार्यक्रमको सुरुवात गदै अध्यक्ष थापाले सहमति र समझदारीमा संविधान बने मात्रै टिकाउ हुने बताउनु भयो ।
प्रकाशित मिति:- 2014-05-18 06:45:06
नेपाल ब्युरो–जेठ ४, काठमाडौ ।
न्याय परिषदले सर्वोच्च अदालतका लागि गरेको न्यायाधीश सिफारिसको निर्णय पुर्नविचार गर्न नसकिने जनाएको छ ।
संसदीय सुनुवाई विशेष समितिलाई पत्र पठाएर परिषदले एक पटक सिफारिस भइसकेका न्यायाधीशहरुबारे पुर्नविचार गर्न कानुनअनुसार नमिल्ने प्रष्ट पारेको छ । साथै परिषदले सिफारिस भएका न्यायाधीशहरु स्वीकृत वा अस्वीकृत गर्ने जिम्मा संसदीय सुनुवाई समितिकै भएको जनाएको छ ।
प्रकाशित मिति:- 2014-05-18 06:23:57
नेपाल ब्युरो–जेठ ४, काठमाडौ ।
नेपाली कांग्रेसका उपसभापति रामचन्द्र पौडेलले सर्वोच्च अदालतको ८ स्थायी न्यायाधिश सिफारिस गर्दा न्याय परिषदले विचार पुर्याएर काम गरेको बताउनुभएको छ ।
आज बिहान कञ्चनपुरको सदरमुकाम महेन्द्रनगरमा आयोजित एक कार्यक्रममा बोल्नुहुँदै पौडेलले बिना प्रमाण स्वतन्त्र न्यायालयमाथि प्रश्न उठाउन उचित नभएको जिकीर समेत गर्नुभयो ।
प्रकाशित मिति:- 2014-05-17 08:38:17
नेपाल ब्युरो- जेठ ३, काठमाडौ । नेपाली कांग्रेसका उपसभापति रामचन्द्र पौडेलले बार्गेनिङग छाडेर कामको मूल्यांकन गर्ने बेला आएको बताउनुभएको छ । बैतडीमा आज आयोजित छलफलमा बोल्नुहुँदै पौडेलले आफ्नै पार्टीका दुई शीर्ष नेताबीचको झगडाको सजाय आफूले पाएको भन्दै दुख व्यक्त गर्नुभयो । सभापति सुशील कोईराला र बरिष्ठ नेता शेरबहादुर देउवाबीचको झगडाको सजाय आफूले पाएको उहाँको भनाई छ । कार्यक्रममा उपस्थित जिल्लाका नेता कार्यकर्ताले आन्तरिक गुटबीचको झगडा मिलाउन माग गरेपछि उहाँले यस्तो अभिब्यक्ति दिनुभएको हो ।
प्रकाशित मिति:- 2014-05-17 05:47:33
नेपाल ब्युरो- जेठ ३, काठमाडौ - जनकपुरको विद्यापती चोकमा मनीचेञ्जरबाट करिब १० लाख रुपैयाँ लुटपाट भएको छ । आज दिउँसो तीन जनाको समूहले रेजा मनीचेञ्जरका सञ्चालक मोहम्मद हमिद रेजलाई चक्कु प्रहार गरी १० लाख रुपैयाँ लुटेका हुन् । उनको जानकी हेल्थ केयर सेन्टरमा गम्भीर अवस्थामा उपचार भइरहेको छ । लुटपाटमा संलग्नहरुको खोजी भइरहेको प्रहरीले जनाएको छ ।
प्रकाशित मिति:- 2014-05-17 05:37:51
नेपाल व्युरो- जेठ ३, काठमाडौ - गृहकार्य नपुगेको भन्दै एकीकृत नेकपा माओवादीको जारी केन्द्रीय समिति बैठक स्थगित भएको छ । बिराटनगर सम्मेलनबाट केन्द्रीय समिति अस्विकार गरेका बाबुराम भट्टराई पक्षधरलाई समेत समेटेर केन्द्रीय समिति सुचारु गर्ने योजना सफल हुन नसके पछि बैठक जेठ ५ गते सम्मका लागि स्थगित भएको हो । आज केहीबेर बैठक बसी पर्सीसम्मका लागि स्थगित भएको केन्द्रीय सदस्य भरत साहले जानकारी दिनुभयो ।
प्रकाशित मिति:- 2014-05-17 05:09:03
नेपाल ब्युरो- जेठ ३ , काठमाडौ । नेपाली कांग्रेसका नेता अर्जुननरसिंह केसीले पाटीभित्र गुटबन्दी मौलाउँदै गएको बताउनुभएको छ । प्रजातान्त्रिक बिचार समाजको २० औं स्थापना दिवसमा अवसरमा आज राजधानीमा आयोजित कार्यक्रममा बोल्दै केसीले पार्टीभित्र बिचारले भन्दा गुटले प्राथमिकता पाउने गरेको भन्दै गुनासो व्यक्त गर्नुभयो ।
प्रकाशित मिति:- 2014-05-17 04:59:56
जेठ ३, एजेन्सी । भारतका प्रधानमन्त्री मनमोहन सिंहले पदबाट राजिनामा दिएका छन् । चुनावमा सत्तारुढ काँग्रेस आईको शर्मनाक पराजय र विपक्षी भारतीय जनता पार्टीको शानदार विजयपछि प्रधानमन्त्री सिंहले राजिनामा दिएका हुन् । राष्ट्रपति प्रणव मुखर्जीले सिंहको राजिनामा स्वीकृत गरेको भारतीय संचार माध्यमले जनाएका छन् । दशवर्षदेखि भारतको प्रधानमन्त्री रहेका थिए ।
प्रकाशित मिति:- 2014-05-17 04:51:27
नेपाल ब्युरो- जेठ ३,नवलपरासी पूर्वपश्चिम राजमार्ग अन्तरगत नवलपरासीको लोकाहा ओरालोमा गएराति मोटरसाइकल दुर्घटना हुदा नेपाली कांग्रेस नवलपरासीका कोषाध्यक्ष चन्द्रबहादुर आलेको मृत्यु भएको छ । कावासोतीबाट गैडाकोट जाँदै गरेको ना ११ प ५३९२ नम्बरको मोटरसाईल दुर्घटना हुदा कोषाध्यक्ष आलेको मृत्यु भएको ईलाका प्रहरी कार्यालय कावासोतीले जनाएको छ । दुर्घटना लगतै घाईतेको उपचारका लागि दलदलेको देवचुली अस्पतालमा पु¥याइएको थियो ।
प्रकाशित मिति:- 2014-05-17 04:40:45
नेपाल ब्युरो- जेठ ३ , नवलपरासी । पौडी खेल्ने क्रममा खोलामा डुवेर दुई जना बालकहरुको ज्यान गएको छ । नवलपरासी कावासोती ८ सिता गाउ निवासी वर्ष ९ का अभिषेक महत्तो र वर्ष ७ का महिमा महत्तोको बाडखोलमा पौडी खेल्ने क्रममा मृत्यु भएको हो । हिजो मृत्यु भएका दाजु वहिनीको शव परिक्षणका लागि दुम्कौली उपस्वास्थ्य चौकीमा लगिएको प्रहरीले जनाएको छ ।
प्रकाशित मिति:- 2014-05-17 04:29:19
नेपाल ब्युरो- जेठ ३,सर्लाही - गाँजा सेवन गरिरहेको अवस्थामा सर्लाहीको लालबन्दी नगरपालिका वडा नम्वर १ बाट प्रहरीले दुई जनालाई पक्रउ गरेको छ । लालबन्दी १ को मरिण जाने बाटोबाट गाँजा सेवन गरेर हो–हल्ला गरिरहेको अवस्थामा प्रहरीले उनीहरुलाई पक्राउ गरेको हो । पक्राउ पर्नेमा लालबन्दी १ का २० वर्षीय सुदन श्रेष्ठ र लालबन्दी २ का २१ वर्षीय दिपेश गोले रहेका छन् । सार्वजनिक सडकमा गाँजा सेवन गरिरहेको अवस्थामा उनीहरुलाई पक्राउ गरिएको ईलाका प्रहरी कार्यालय लालबन्दीका प्रहरी निरीक्षक विष्णुप्रसाद सोतीले जानकारी दिनुभयो । उ
प्रकाशित मिति:- 2014-05-17 04:10:00
नेपाल ब्युरो- जेठ ३,रौतहट । रौतहटको चन्द्रनिगाहपुरमा एक किसानले व्यवसायिक तरकारी तथा केरा खेतीबाट राम्रो आम्दानी गरेका छन् । चन्द्रनिगाहपुर ५ थलाही टोलका विश्वेश्वर प्रसाद कुश्वाहले ४ विगाहमा तरकारी तथा केरा खेति गरेर बार्षिक लाखौको आम्दानी गर्दै आउनु भएको छ । उहाले २ विगाहामा केरा खेति गर्नुभएको छ । प्रति कठ्ठा केराबाट बार्षिक ३० हजार रुपैयाँकमाई हुने हुने गरेको छ । केराको बजार राम्रो भएकाले व्यापारी खेतमा नै लिन आउने गरेको कुश्वाहाले बताउनुभयो । केराबाट बार्षिक १२ लाखको आम्दानी हुने गरेको उहाको भनाई छ ।
प्रकाशित मिति:- 2014-05-17 03:49:07
नेपाल ब्युरो -जेठ ३, सिन्धुली । सिन्धुली–विश्वविद्यालय अनुदान आयोगले सिन्धुली बहुमुखी क्याम्पसको विविद्य पक्षहरुको अनुगमन तथा मुल्याङकन गरिरहेको छ । गुणस्तर सुनिश्चितता प्राप्तीका लागि अनुगमन तथा मुल्याङकन गर्न आएका प्राध्यापक डाक्टर ईश्वरप्रसाद उपाध्यायको टोलीले वैशाख ३० गतेदेखि जेठ ४ गतेसम्म क्याम्पसका शैक्षिक गुणस्तर, भौतिक सुधार, प्रशासनिक सुधार लगायतका विषयमा अध्ययन गर्ने भएको हो । क्याम्पसको सम्पूर्ण पक्षहरुको अनुगमन गरी गुणस्तरीय सुनिश्चितताको लागि सुझाब सल्लाह र पृष्ठपोषण गरिने भएको छ ।